கம்பம்பகுதியில் காவல்துறையினருக்கும் மக்களுக்கும் மோதல் வராமல் தடுக்க தமிழகஅரசு ஒரு வாரத்திற்கு கேரளம் செல்லும் 13 பாதைகளையும் மூட வேண்டும்

தமிழ்த் தேசப் பொதுவுடைமைக் கட்சித் தலைவர் பெ.மணியரசன்
கம்பத்திலிருந்து முதல்வருக்குக் கோரிக்கை:

கேரள அரசும் கேரளத்தின் அனைத்துக் கட்சிகளும் மலையாளிகளிடம் இனவெறியைத் தூண்டிவிட்டு அங்கு வசிக்கும் தமிழர்களையும் அங்கு செல்லும் தமிழகத் தமிழர்களையும் மலையாளிகள் கடுமையாகத் தாக்கினார்கள். கூலி வேலைக்குச் சென்ற பெண்களை சிறைப்பிடித்து மானபங்கப்படுத்தினார்கள். தமிழகத்திலிருந்து சென்ற ஐயப்ப பக்தர்களைத் தாக்கினார்கள்.

முல்லைப்பெரியாறு அணையை உடைக்க காங்கிரசு, பா.ஜ.க. கட்சியினர், அணைக்குள் சென்று தமிழகப் பொதுப்பணித்துறையை அலுவலகங்களைத் தாக்கினார்கள். மலையாளிகளின் இந்த இனவெறி அட்டுழியங்களை மேலும் தூண்டி விடும் வகையில் சி.பி.எம். தலைவர் அச்சுதானந்தம் உண்ணாப்போராட்டம் இருந்தார்.

இவற்றின் எதிர் விளைவாக தமிழ்நாட்டில் தமிழர்கள் தற்காப்புப் போராட்டம் நடத்த வேண்டி வந்தது. இன்று(12. 12. 2011) நான் இயக்கத்தோழர்களுடன் கம்பம் பகுதிக்குச் சென்றேன். இப்போது அங்கு போராடும் மக்களோடு இருந்து இந்த அறிக்கையைக் கொடுக்கிறேன். 30 ஆயிரத்திற்கு மேறபட்ட மக்கள் கம்பம் மெட்டு வழியாக கேரளா எல்லை நோக்கிப் போனார்கள். அவர்களை காவல் துறையினர் கடுமையாக தடியடி நடத்தி படுகாயப்படுத்தி விரட்டியடித்தார்கள். பெண்கள் சிறுவர்கள் உட்பட படுகாயம் பட்டுள்ளார்கள் இதனால் ஆத்திரமடைந்த மக்கள், கம்பம் நகரத்தில் சாலை மறியல் செய்துக் கொண்டிருக்கிறார்கள்.

சின்னமனூர், உத்தமப்பாளையம் ஆகிய இடங்களிலும் மக்கள் சாலை மறியல் செய்கிறார்கள். அவர்களை இரும்பு தொப்பி அணிந்த காவலர்கள் அவர்களை களைப்பதும் மீண்டும் அவர்கள் போராடுவதும் நடந்து கொண்டிருக்கிறது. காவல் துறைக்கும் மக்களுக்குமான மோதல் வ்ருவதற்கான சூழல் நிலவுகிறது.

மக்களுக்கும் காவல் துறைக்கும் மோதல் வராமல் தடுக்க முதல்வர் செயலலிதா தலையிட்டு ஓர் அறிவிப்பை வெளியிட வேண்டும். கேரளாவிற்கு தமிழ்நாட்டிலிருந்து எந்த பொருளையும் அனுப்பக்கூடாது என்பதுதான் போராட்டக்காரர் களின் கோரிக்கை. தமிழக முதல்வர் முன் வந்து தமிழ்நாட்டிலிருந்து கேரளாவிற்குச் செல்லும் 13 பாதைகளையும் ஒரு வாரத்திற்கு அடைத்துள்ளோம் என்ற அறிவிப்பை அரசு சார்பில் கொடுக்க வேண்டும் அந்த ஒருவாரகால அவகாசகத்துக்குள் இந்த பிரச்சனைக்கு தீர்வு காண முயலவேண்டும் என்று தமிழ்த் தேசப் பொதுவுடைமைக் கட்சி சார்பில் கேட்டுக் கொள்கிறேன்.

பாலை - தேசிய இனத்தைக் கருவாகக் கொண்ட முதல் திரைப்படம் ! - கவிஞர் காசி ஆனந்தன்

 

                                       பாலை

 தேசிய இனத்தைக் கருவாகக் கொண்ட முதல் திரைப்படம் !                                                 - கவிஞர் காசி ஆனந்தன்

 

 

 

 

வழமையான தமிழ்த்திரைப்படப் போக்கிலிருந்து வழி விலகி 'பாலை' திரைப்படத்தை வரைந்திருக்கிறார் இயக்குநர் ம.செந்தமிழன்.

 

முல்லை- குறிஞ்சி- மருதம்- நெய்தல்-பாலை எனும் ஐந்திணை நிலமாய்த் திகழ்ந்த தமிழ்நாட்டில் முல்லை மண்ணின் ''ஆயர் குடி'' வாழ்க்கை திரைப்படமாகி இருக்கிறது.

 

தமிழினம் பல்லாயிரம் ஆண்டுகளாக இயற்கையோடும் எதிரியோடும் மோதி மோதித் தன்னை எதிர்கொண்ட பேரழிவுகளைத் தடுத்து நிறுத்திய தமிழினத் தற்காப்பு வரலாறுதான் செந்தமிழனின் ''பாலை''.

 

இயற்கை கொதித்தாலும் முல்லை பாலையாகி விடுகிறது; எதிரி மிதித்தாலும் முல்லை பாலை யாகிவிடுகிறது.

 

பல்லாயிரம் ஆண்டுகளுக்கு முந்தைய தமிழ் மண்ணைச் செந்தமிழன் உயிர்த்துடிப்போடு பதிவு செய்திருக்கிறார்.

 

அம்மணமாய் உலக மக்கள் விலங்குகளோடு விலங்குகளாக வாழ்ந்த காலத்தில் ஆடை கட்டி, வீடமைத்து வாழ்ந்த அற்றைத் தமிழினத்தின் கதை.

 

தலைவன் ஒருவனைக் கொண்டு, மண்ணும் மொழியும் இனமும் காத்து வாழ்ந்த தமிழினத்தின் பண்டை வரலாறு.

 

உடன் போக்கு,- ஆநிரை கவர்தல், - மழைக்குறி பார்த்தல், - மீன்வேட்டை,- கவண் எறிதல் போன்ற முந்தையத் தமிழர் பழக்க வழக்கங்கள் பற்றிய உயிர்ப்பான பதிவு.

 

முற்றிலும் வேறுபட்ட ஒரு திரை இலக்கியத்தைப் படைக்கும் முயற்சியில் செந்தமிழன் முழுமையாய் வெற்றி பெற்றிருக்கிறார்.

 

உயர்ந்த தொழில் நுட்பத்தின் துணை கொண்டு மேனாட்டார் உருவாக்கும் திரைப் படங்களைக்கூட 'பாலை'யின் உயிர்த்துடிப்பான சில காட்சிகள் மிஞ்சி நம் நெஞ்சங்களை அசைப்பதை உணர்கிறோம்.

 

காயாம்பூ பண்டைத் தமிழர் காதலுக்கு இலக்கணமாய்க் காட்சி தருகிறார். முல்லை மண்ணின் ஆயர்குடி வரலாற்றை அவளே பனை ஓலையில் பதிவு செய்வதாய்ச் செந்தமிழன் காட்டுவது- பண்டைத் தமிழ்ப்பெண் தமிழ் மண் மீது கொண்டிருந்த காதலையே பறை சாற்றுகிறது.

 

தமிழ்த் திரைப்படங்களில் வரும் குத்துப் பாட்டுகள் - உடன் வெறிக் கூத்துகள்- கொச்சை இரட்டைப்பொருள் உரையாடல்கள் - அருவருப்பான கட்டிப் புரள்தல்கள் 'பாலை' யில் முற்று முழுதாய்த் தவிர்க்கப்பட்டுள்ளன.

 

வஞ்சகன், கொடியவன், கயவன், முரடன்  என்று எப்படி அழைத்தாலும் ''வில்லன்'' என்று திரைப்படத்தில் வருகிறானே.. பாலையில் அவன் யார்? என்றால்- 'வந்தேறி' தான் அவன் என்கிறார் செந்தமிழன். வந்தேறிகள் நேற்றும் இன்றும் தமிழ்நாட்டின் வரலாற்றுப் பகைவர்கள்; அழித்தொழிக்கப்பட வேண்டியவர்கள் என்பதையே ' பாலை' வலியுறுத்துகிறது.

 

'பாலை' திரைப்படம் பார்ப்பவர்கள் ஒளிப்பதிவாளர் அபி நந்தனைப் பாராட்டாமல் இருக்க முடியாது. பல இடங்களில்- உலகத் தரத்துக்கு அவர் ஒளிப்பதிவு கருவியின் வெளிச்சம் பாய்ந்திருக்கிறது. என் இனிய நண்பர் பாலு மகேந்திராவே மெய்சிலிர்த்துப் பாராட்டியதாகச் சொன்னார்கள். உண்மை. அபி நந்தனைத் திரை உலகில் இனி அடிக்கடி பார்க்கலாம்.

 

இயல்பாக எல்லாத் திரைப் படங்களிலும் இருப்பதைப் போலவே பாலையிலும் குறைகள் இல்லாமல் இல்லை.

 

ஆயர் குடிக்கும் வந்தேறிகளுக்கும் இடையிலான போர் பத்து- இருபது பேர்களுக்கு இடையிலான சண்டையாகக் காட்டுவது ஆழமான ஒரு திரைப்படத்தில் குறையே ஆகும். இரண்டு குடும்பங்களின் சண்டை போல் இது இருக்கிறது.போரின் இடை இடையே எழும் அளவு மீறிய 'கத்தல்'கள் வேறு இயல்பாக இல்லை.

 

முதுவன், - விருத்திரன், - வலன், - காயாம்பூ - அனைவரும் திரை உலகத்துக்குப் புதியவர்கள் எனினும் முதல் படத்திலேயே நடிப்பில் முத்திரை பதித்திருக்கிறார்கள்.

 

'பாலை'யில் செதுக்கப்பட்ட  செந்தமிழனின் பாடல்கள்- வேத் சங்கரின் இசைக் காற்றில் மிதந்து வரும்போது சங்க இலக்கிய சொற்கள் தேனாகின்றன. பின்னணி இசைக் கோர்ப்பில், தமிழர் தொல்மரபு இசையை வார்க்கிறார் வேத் சங்கர்.

 

இயக்குநர் செந்தமிழனின் 'பாலை' திரைப்படத்தில் ஒரே கல்லில் இரண்டு மாங்காய்கள் பறித்திருக்கிறார்.

 

தமிழ்நாட்டின் விடுதலை பற்றியும் இத்திரைப்படம் பேசுகிறது. தமிழீழத்தின் விடுதலை பற்றியும் இத்திரைப் படம் பேசுகிறது.

 

ஒரு தேசிய இனத்தைக் கருவாகக் கொண்டு வெளிவந்த முதல் திரைப்படம் பாலை என்பது திரைத்துறையினரே ஒப்புக் கொள்ள வேண்டிய உண்மையாகும்.

 

இயக்குநர் செந்தமிழன் எப்படிப் பார்த்தாலும்- தமிழ்த் திரை உலகில் ஒளி மிக்க எதிர் காலம் கொண்ட ஓர் இணையற்ற இளம் இயக்குநராகக் கனிந்திருக்கிறார்.

 

 

--
தோழமையுடன்,
க.அருணபாரதி
 
ஆசிரியர் குழு உறுப்பினர்,

தமிழ்த் தேசியத் தமிழர் கண்ணோட்டம்,

தமிழ்த் தேசிய மாதமிருமுறை இதழ்

| பேச: 9841949462 | இணையம்: http://tamizharkannotam.blogspot.com |

அன்பார்ந்த தோழர்களே! வணக்கம்

முல்லைப்பெரியாறு தொடர்பாக சென்னை, தியாகராயர் நகர் மலையாள ஆலுகாஸ் நகைக்கடை முன் ஆர்ப்பாட்டம் செய்து கைதான அருணபாரதி உள்ளிட்ட சென்னை தோழர்கள் மீது சைதாப்பேட்டை காவல் நிலையத்தில் வேறொரு வழக்கில் பொய்யாக சேர்க்கப்பட்டு கொடும் பிரிவுகளின் கீழ் வழக்குத் தொடுக்கப்பட்டுள்ளது

காவல்துறையினரின் அடாவடியைக் கண்டித்து தமிழக முதலமைச்சருக்கு கீழ் வரும் வாசங்கள் அடங்கிய தந்தியை தாங்கள் உடனடியாக அனுப்புங்கள் பிற தமிழின உணர்வாளர்களையும் அனுப்புச் செய்யுங்கள்

Thamizh  Thesa  Podhuvudaimai   Katchi  cadres  lead by Thiru.Arunabharathi, who demonstrated  peacefully on MullaiPeriyaru    issue in front of  Alukkas  Jewellery   in  Thiyagarayar Nagar,Chennai  and got  arrested ,were falsly  implicated in another  case  alleging ransacking of a Malayalee Shop in Saidapet. It is totally a false fabrication of the Police officials in an afterthought with   ulterior  motive . we  request  your   immediate  intervention  and dropping of the false case on our comrades

                                                                                   

தந்தி அனுப்பவதோடு மட்டுமின்றி அதே செய்தியை மின்னஞ்சலிலும் அனுப்புங்கள்

தந்தி அனுப்ப வேண்டிய முகவரி:

மாண்புமிகு தமிழ்நாடு முதலமைச்சர்

கோட்டை சென்னை

மின்னஞ்சல் அனுப்ப வேண்டிய முகவரி

                      cmcell@tn.gov.in

இன்று காலை 11 மணிக்குள் இப்பணியை செய்து முடியுங்கள்

சென்னையில் மலையாள ஆலுகாஸ் நகையகம் முன் ஆர்ப்பாட்டம் நடத்தி சிறையில் உள்ள தோழர்கள் மீது புதிய பொய் வழக்கு

         

  தமிழ்த் தேசப் பொதுவுடைமைக் கட்சித் தலைவர் பெ.மணியரசன் கண்டனம்

முல்லைப்பெரியாறு அணையை உடைக்கத் திட்டமிட்டுள்ள கேரள அரசியல் கட்சிகள் மலையாள மக்களுக்கு இனவெறியூட்டி, கேரளாவில் தமிழர்கள் மீது தாக்குதல் நடத்தும் நிலையை உண்டாக்கியுள்ளனர். தமிழகத்திலிருந்து ஐய்யப்பன் கோயிலுக்குச் சென்ற அப்பாவித் தமிழர்களை மலையாளிகள் தாக்கினர். தமிழகத்திலிருந்து சென்ற வாகனங்களைத் தாக்கினர். கூலிவேலைக்குச் சென்ற தமிழகப் பெண்கள் உள்ளிட்ட 500 தொழிலாளிகளை சிறைபிடித்து வைத்தனர். மலையாளிகளின் இனவெறியுடன் அப்பாவித் தமிழர்களுக்கெதிராக நடத்திய மேற்படி அட்டூழியங்கள் மீது சட்டப்படி எடுக்க வேண்டிய நடவடிக்கை எதையும் கேரள அரசு எடுக்க வில்லை.

கேரளத்தில் ஆளும்கட்சி முதன்மை எதிர்க்கட்சி மற்றுமுள்ள கட்சிகள் அனைத்தும் போட்டி போட்டுக்கொண்டு தமிழர்களுக்கெதிரான இன வெறியைத் தூண்டி வருகின்றன. இந்நிலையில் கேரளத்தில் உள்ள தமிழர்களைத் தொடர்ந்து தாக்கினால், தமிழகத்தில் உள்ள மலையாளிகள் வெளியேற வேண்டும் என்றும், மலையாளிகள் நிறுவனங்களை மூட வேண்டும் என்றும் கோரிக்கை வைத்துத் தமிழ்த் தேசப் பொதுவுடைமைக் கட்சி 7.12.2011 அன்று மலையாள நிறுவனங்கள் முன் ஆர்ப்பாட்டம் நடத்தியது. தஞ்சாவூர், குடந்தை, கோவை, சென்னை, ஆகிய இடங்களில் இப்போராட்டம் நடத்திய தோழர்கள் கைது செய்யப்பட்டு திருச்சி, கோவை, புழல் சிறைகளில் அடைக்கப் பட்டுள்ளனர். ஓசூரில் அன்று மாலையே விடுவிக்கப்பட்டனர்.

ஆனால் சென்னையில் ஆலுக்காஸ் நகை மாளிகை முன் தோழர் க.அருணபாரதி, தலைமையில் ஆர்ப்பாட்டம் நடத்தியதற்காக சிறையிலடைக் கப்பட்டுள்ள  6 தோழர்கள் மீது இன்று (9.12.2011) புதிதாக ஒரு வழக்குப் போட்டு சிறையிலிருந்து அவர்களை சைதாப்பேட்டை நீதி மன்றத்திற்குக் கொண்டு வந்து சிறைக்காவல் ஆணைப்பெற்றுள்ளனர். சைதாப்பேட்டையில் உள்ள ஒரு மலையாளிக் கடையை அதே 7.12.2011 அன்று மேற்கண்ட 6 பேரும் தாக்கிச் சூரையாடியதாகவும், அக்கடைச் சொத்துக்களுக்குச் சேதம் விளைவித்ததாகவும், அடித்துக்காயம் உண்டாக்கியதாகவும் கொலை மிரட்டல் விட்டதாகவும் முதல் தகவல் அறிக்கையில் குற்றம் சாட்டியுள்ளனர்.

சைதாப்பேட்டைக் காவல் நிலையத்தில் போட்டுள்ள இவ்வழக்கு முழுக்கப் பொய்யானது. வேண்டுமென்றே காவல்துறையினரால் சோடிக்கப்பட்டது. சைதாப்பேட்டையில் மலையாளி கடை தாக்கப்பட்டதற்கும் மேற்கண்ட 6 தோழர்களுக்கும், அத்துடன் எங்கள் கட்சிக்கும் எந்தத் தொடர்புமில்லை.

மேற்படி சைதைக் கடையைத் தாக்கியவர்களைக் காவல் துறையினரால் கண்டு பிடிக்க முடியவில்லையா? அல்லது காவல் துறையினரே ஏற்பாடு செய்த தாக்குதலா? என்பது விடையளிக்கப்பட வேண்டிய மிக முக்கியமான கேள்வியாகும்.

மலையாள இனவெறியர்களின் தக்குதலிலிருந்து தமிழ்மக்களின் உயிரையும் உடைமைகளையும் பாதுகாக்கும் உயரிய நோக்கத்துடன் மலையாளிகளைப் பணியவைக்கும் உத்தியுடன் ‘’ மலையாளிகளே வெளியேறுங்கள்’’ என்று ஆர்ப்பட்டம் நடத்தியதற்குத் தமிழகக் காவல்துறை பழிவாங்கும் நோக்கத்துடன் தமிழ்த் தேசப் பொதுவுடைமைக் கட்சி தோழர்கள் மீது பொய் வழக்குப் போட்டு சிறையிலடைத்துள்ளது. காவல்துறையின் இந்த நடவடிக்கை த. தே. பொ.க வைப் பழிவாங்குவது மட்டுமல்ல தமிழினத்திற்குச் செய்யும் மிகப்பெரும் துரோகமாகும்.

அத்துடன் கேரளத்தில் தமிழர்களைத் தாக்கும் மலையாளிகளுக்குத் தமிழகக் காவல்துறை கொடுத்துள்ள மிகப்பெரிய ஊக்கப்பரிசாகும். பத்து நாள்களுக்கு மேலாக கேரளாவில் அப்பாவித் தமிழர்கள் தாக்கப்படுகிறார்கள். தமிழர்கள் நடத்தும் வணிக நிறுவனங்கள் தாக்கப்படுகின்றன. தமிழக அரசுப் பேருந்துகள் உட்பட தமிழர்களின் வாகனங்கள் சேதப்படுத்தப்படுகின்றன; எரிக்கப்பட்டன.

கேரளாவில் அம்மாநில அரசும், கட்சிகளும் தமிழர்களைத் தாக்கத் தூண்டுகோலாக இருக்கின்றன. தமிழகத்தில் தமிழர்களைக் காப்பதற்காக த.தே.பொ.க. நடத்திய போராட்டத்திற்குப் பழிவாங்கும் நோக்குடன் பொய் வழக்குப்போடுகிறது காவல்துறை. இச்செயல் வன்மையாகக் கண்டிக்கத் தக்கது.

தவறான பாதையில் செல்லும் காவல்துறையின் போக்கைத் தடுப்பதுடன் சைதாப்பேட்டை கடையைத் தாக்கியதாகப் போட்டுள்ள பொய் வழக்கைக் கைவிடச் செய்யுமாறு தமிழக முதல்வர் அவர்களைத் தமிழ்த் தேசப்பொதுவுடைமைக் கட்சி சார்பில் கேட்டுக்கொள்கிறேன்.

முல்லைப்பெரியாறு அணை உரிமையை மறுக்கும் மலையாளிகளை தமிழ்நாட்டிலிருந்து வெளியேற்றுவோம்

 பரப்புரை போராட்டம் நடத்திய தமிழ்த் தேசப் பொதுவுடைமைக் கட்சியினர் கைது...

7.12.2011 காலை தமிழகத்தின் பல்வேறு பகுதிகளிலும் தமிழ்த் தேசப் பொதுவுடைமைக்கட்சித் தோழர்கள் ’’முல்லை பெரியாறு உரிமை மறுக்கும் மலையாளியே தமிழகத்தை விட்டு வெளியேறு” என்ற ஆவேச முழக்கத்துடன் பரப்புரை- போராட்டம் நடத்தினர்.

பொதுமக்களிடம் உண்மையை விளக்கும் துண்டறிக்கைகளை வழங்கி மலையாளிகளின் நிறுவனங்களில் ஆர்ப்பாட்டம் நடத்தினர். இப்போராட்டத்தில் ஈடுபட்ட த.தே.பொ.க தோழர்கள் கைது செயப்பட்டுள்ளனர்

சென்னை:

சென்னை தியாகராயர் நகர் வடக்கு உஸ்மான் சாலையில் உள்ள ஜாய் ஆலுக்காஸ் நிறுவனத்தை நோக்கி முழக்கங்கள் எழுப்பிக்கொண்டு சென்ற கட்சியின் தலைமைச்செயற்குழு உறுப்பினர் தோழர் க. அருணபாரதி மற்றும். தமிழ்ச்சமரன், தமிழ்க்கனல், பால் முருகன், ஆவடிகண்ணன், வெற்றித்தமிழன் ஆகியோர் கைது செய்யப்பட்டனர். இப்போராட்டம் காரணமாக அந்நிறுவனத்தின் வெளிக்கதவு சாத்தப்பட்டது. காவல் துறையினர் பெறும் எண்ணிக்கையில் குவிக்கப்பட்டுள்ளனர். தியாகராயர் நகர் எங்கும் பரபரப்பு. நடத்த வேண்டிய போராட்டம் தான் என்று அப்பகுதியிலிருந்த பொது மக்கள் ஆதரவு தெரிவித்தனர்

கோவை:

கோவையில் தமிழ்த் தேசப்பொது வுடைமைக்கட்சியின் கிளைச் செயலாளரும் தமிழக இளைஞர் முன்னணியின் மாநகரச் செயலாளருமான தோழர் பா.சங்கர் தலைமையில் த.தே.பொ.க தோழர்கள் காந்திபுரம் கிரசஸ்கட் சாலையில் மலையாளிகளை வெளியேற்றுவோம் என்ற முழகத்ததோடு ஆர்ப்பாட்டம் செய்து துண்டறிக்கைகள் வழங்கினர். மலையாளிகள் கடைகள் தாக்கப்பட்டதாக த.தே.பொ.க வினர் 16 பேர் கைது செய்யப்பட்டனர்

இப்போராட்டத்தால் அச்ச மடைந்த ஜாய் ஆலுக்காஸ், பிரின்ஸ் ஆலுக்காஸ் ஜோசப் ஆலுக்காஸ், கஜானா, முத்துட், மணப்புரம் கோல்டு, உள்ளிட்ட மலையாளிகளின் நகை நிறுவனங்களும் காந்தி புரத்தைச் சுற்றியுள்ள பெருமளவிலான மலையாளிகளின் ரொட்டி கடைகளும், தேனிர் கடைகளும் மூடப்பட்டன.

ஒசூர்:

ஓசூர் விடியற்காலையிலிருந்தே ஓசூர் த.தே.பொ.க வினர் கட்சியின் தலைமை செயற்குழு உறுபினர் கோ.மாரிமுத்து தலைமையில் அசோக் லைலாண்ட், டைட்டான் உள்ளிட்ட பல்வேறு நிறுவனங்களின் வாயில்களில் விளக்கவுரை நிகழ்த்தி துண்டறிக்கைகள் வழங்கி பரப்புரை செய்த பின் ஓசூர் நகர கடை வீதிகளில் பரப்புரை செய்து  மலையாள ஆலுக்காஸ் முன் ஆர்ப்பாட்டம் நடத்தினர். நகை மாளிகையை தாக்கி சேதப்படுத்தப்பட்டதாகக் கூறி காவல் துறையினர் 12 தோழர்களை கைது செய்தனர்

தஞ்சை:

கட்சியின் தஞ்சை நகரச் செயலாளர் தோழர் இராசு முனியாண்டி தலைமையில் த.தே.பொ.க தோழர்கள் பரப்புரை மேற்கொண்டனர்.

மலையாளிகளின் நிறுவனங்களான முத்தூட் பைனானாஸ், ராயல் காபி கடை உள்ளிட்டவை தாக்கப்பட்டதாக த.தே.பொ,க தோழர்கள் மீது வழக்குப் பதிவு செய்து காவல்றையினர் தேடி வருகின்றனர்.

தொலைக்காட்சி நேர்காணல் அளிக்க சென்ற த.தே.பொ.க தஞ்சை மாவட்டச் செயலாளர் குழ.பால்ராசு, தலைமைச்செயற்குழு உறுப்பினர் தோழர் பழ.இராசேந்திரன் ஆகியோர் முன்னெச்சரிக்கையில் கைது செய்யப்பட்டுள்ளனர்

குடந்தை

த.தே.பொ.க குடந்தை நகரச்செயலாளர் விடுதலை சுடர் தலைமையில் ஆலுக்காஸ் நிறுவனம் முன்பு ஆர்ப்பாட்டத்தில் ஈடுபட்ட 6 பேர் கைது செய்யப்பட்டுள்ளனர். ஆலூக்காஸ் நகை நிறுவனம் தாக்கி சேதப்படுத்தப்பட்டதாக தோழர்கள் மீது வழக்குப் பதிவு செய்யப்பட்டுள்ளது.

1 1/2 லட்சம் சொத்துக்கள் சேதமடைந்தாக ஆலுக்காஸ் நிறுவனத்தினர் புகார் கொடுத்தன் அடிப்படையில் தனியார் சொத்துக்கள் சேத தடுப்புச் சட்டம் உள்ளிட்ட கடுமையான பிரிவுகளின் கீழ் த.தே.போ.க வினர் மீது வழக்கப் பதிவு செய்யப்பட்டுள்ளது. காவல் நிலையத்தில் விடுதலை சிறுத்தைகள் நாம் தமிழர் கட்சி உள்ளிட்ட பல்வேறு கட்சியினர் நேரில் சென்று கைதுக்கு கண்டனம் தெரிவித்ததோடு போராடிய த.தே.பொ.க தோழர்களுக்கு  வாழ்த்துகள் தெரிவித்தனர்.

முல்லைப் பெரியாறு உரிமை மறுக்கும் மலையாளிகள் வெளியேறட்டும்- திவம்பர் 7 முதல் பரப்புரை இயக்கம் - பெ.மணியரசன் அறிவிப்பு!

முல்லைப் பெரியாறு அணை உரிமையை மறுத்தால்

தமிழகத்தை விட்டு மலையாளிகள் வெளியேறட்டும்

தமிழ்த் தேசப் பொதுவுடைமைக் கட்சித் தலைவர் தோழர் பெ.மணியரசன்  அறிக்கை

 

முல்லைப் பெரியாறு அணையைத் தகர்த்துத் தரைமட்டமாக்கிட மூர்க்கமாக முயல்கிறார்கள் மலையாளிகள். இந்தியத் தேசியம் பேசும் காங்கிரசும் சர்வதேசியம் பேசும் மார்க்சிஸ்ட் கம்யூனிஸ்ட் கட்சியும் மலை யாளிகளிடம் இனவெறியைத் தூண்டி, அணையை உடைப்பதற்கான ஆயத்தங்கள் செய்து வருகின்றன.

 

எல்லா அதிகாரங்களையும் தன்னிடம் குவித்து வைத்துள்ள இந்திய அரசு, கேரளத்தைக் கட்டுப்படுத்தி, உச்சநீதிமன்றத் தீர்ப்பை செயல்படுத்தி வைக்க எந்த முயற்சியும் எடுக்கவில்லை. அதிகாரம் ஏதுமற்ற அப்பாவிபோல் நயவஞ்சக நாடகமாடுகிறது. மலையாளிகளின் இனவெறி அரசியலை மறைமுகமாக ஊக்குவிக்கிறது.

 

உச்சநீதிமன்றம் 2006 பிப்ரவரி 27 அன்று வழங்கிய தீர்ப்பில், முல்லைப் பெரியாறு அணை மிகவும் வலுவாக உள்ளது என்றும், முதல் கட்டமாக 142 அடிவரை தண்ணீர் தேக்கலாம் என்றும் கூறியது. முல்லைப் பெரியாறு அணையின் இணைப்பாக உள்ள சிற்றணையில் சிறு சிறு செப்பனிடும் பணிகளைச் செய்துமுடித்த பின் முழுக் கொள்ளளவான 152 அடிவரை தண்ணீர் தேக்கலாம் என்றும் உச்ச நீதிமன்றம் தீர்ப்பளித்தது.

 

ஆனால் கேரள அரசும், அரசியல் கட்சிகளும் கழிவறைத் தாளுக்குத் தரும் மதிப்பைக்கூட உச்ச நீதிமன்றத் தீர்ப்பிற்குத் தரவில்லை. 142 அடிவரை தண்ணீர் தேக்கவிடாமல் தமிழகத்தைத் தடுத்துவிட்டார்கள். சிற்றணையை செப்பனிடவும் விடவில்லை. மண்ணியல் வல்லுநர் குழுவையும், நீரியல் வல்லுநர் குழுவையும் அமர்த்தி அவற்றைக் கள ஆய்வு செய்ய வைத்து அவற்றின் பரிந்துரைக்கு ஏற்பவே மேற்படித் தீர்ப்பை உச்சநீதிமன்றம் வழங்கியது. இத்தீர்ப்பைச் செயல்படுத்த வலியுறுத்தி மீண்டும் தமிழக அரசு உச்சநீதிமன்றத்தில் வழக்குத் தொடுத்தது. அவ்வழக்கு, விசாரணையில் உள்ளது.

 

இந்நிலையில் முல்லைப்பெரியாறு அணையைத் தகர்த்துத் தரைமட்டமாக்கிடும் சதித்திட்டத்தை மூடி மறைத்து புதிய அணை கட்டப்போவதாக ஆசை வார்த்தை காட்டினார்கள். இப்போது அந்த மூடு திரையை நீக்கிவிட்டு அணையை உடைப்போம் என்று அம்மணமாக அவர்கள் வெளியே வந்துவிட்டார்கள்.

 

அண்மையில் அப்பகுதியில் ஏற்பட்ட 2.3 ரிக்டர் அளவு நிலநடுக்கத்தைக் காரணம் காட்டுகிறார்கள். இதற்குமுன் 2001-ல் இடுக்கியில் 4.8 ரிக்டர் அளவிற்கு ஏற்பட்ட நிலநடுக்கம், அணையில் எந்தப் பாதிப்பையும் ஏற்படுத்தவில்லை என்ற உண்மையை அவர்கள் மறைக்கிறார்கள். 2011 சனவரி 20 ஆம் நாள் அணையை ஆய்வு செய்த இந்திய அரசின் வல்லுநர் குழு அணை வலுவாக இருப்பதை உறுதி செய்தது.

 

மலையாளக் காங்கிரசுத் தலைவர்களும், மார்க்சிஸ்டு கம்யூனிஸ்டுத் தலைவர்களும் பொய்யுரைக்கக் கூச்சப்படாதவர்கள்; புரளி கிளப்ப அச்சப்படாதவர்கள். முல்லைப் பெரியாறு அணை உடைந்து 35 இலட்சம் மக்கள் வெள்ளத்தில் மிதப்பது போல் மோசடியாகப் பரப்புரைக் குறுந்தகடு தயாரித்து கேரளத்தில் ஊர் ஊராக போடச் செய்தார் அப்போதைய மார்க்சிஸ்டு முதல்வர் அச்சுதானந்தன். இப்போது மலையாளிகள் அதே புரளியை ஒரு திரைப்படமாகத் தயாரித்து "அணை 999" என்ற பெயரில் பல மொழிகளில் வெளியிட்டுள்ளார்கள். இப்படத்திற்கு இந்திய அரசின் தணிக்கைத்துறை அனுமதி வழங்கியுள்ளது.

 

மலையாள இனவெறியர்களும் அவர்களின் ஊடகங்களும் பரப்பி வரும் வதந்திகளை ஒரு வாதத்திற்காக ஏற்றுக்கொண்டால் கூட, முல்லைப் பெரியாறு அணை உடைந்தால் அவர்கள் கூறிவரும்  பேரழிவு ஏற்பட வாய்ப்பே இல்லை. காரணம் அவ்வணையின் மொத்தக் கொள்ளளவு 10 டி.எம்.சி. மட்டுமே. (1 டி.எம்.சி = நூறு கோடி கன அடி). முல்லைப் பெரியாறு அணைக்குக் கீழே கேரள அரசு கட்டியுள்ள இடுக்கி அணையின் மொத்தக் கொள்ளளவு 70 டி.எம்.சி. ஆகும்.

 

இந்த இடுக்கி அணை பாதியளவு நிரம்புவதற்குக் கூட அதற்கு நீர் வரத்து இல்லை. இந்த அணையை முழுக்கொள்ளளவும்  நிரப்பி, ஆண்டு முழுவதும் நீர் மின்சாரம் தயாரிக்க முல்லைப் பெரியாறு நீர் முழுவதையும் அபகரித்துக் கொள்ள வேண்டும், என்பதே மலையாளிகளின் திட்டம். இத்திட்டத்தை செயல்படுத்த அவர்கள் வகுத்த சூழ்ச்சித் திட்டமே முல்லைப் பெரியாறு அணை  வலுக்குறைவாக உள்ளது, அது எந்த நேரத்திலும் உடைந்து விடும், எனவே அதை உடைத்துவிடவேண்டும் என்ற பரப்புரையாகும்.

 

தமிழ் நாட்டிலிருந்து ஒரு நாளைக்கு 700 டன் அரிசி, கேரளம் முழுவதுக்குமான இறைச்சி , காய்கறிகள், பழங்கள், முட்டைகள், பால் முதலியவை அன்றாடம் அங்கு போகின்றன. இவை நின்று போனால் கேரளம் மூச்சுத் திணறி உயிருக்குப் போராட வேண்டி வரும். தமிழக மணலை அன்றாடம் கொள்ளையடித்துக் கடத்திச் செல்லாவிட்டல் கேரளாவில் புதிய கட்டடங்கள் எழ வாய்ப்பே இல்லை.

 

முப்பது இலட்சம் மலையாளிகள் தமிழ்நாட்டில் வாழ்கிறார்கள்.இவர்களில் பெரும்பாலோர் தமிழர்களுக்குரிய உயர் பதவிகளையும், வருமானம் அதிகமுள்ள வணிகங்களையும், தொழில்களையும் கைப்பற்றி உள்ளார்கள்.

 

ஒருவர் ஓராண்டில் பயன்படுத்தும் தண்ணீரின் சராசரி அளவு 1700 கனமீட்டர். 30 இலட்சம் மலையாளிகள் ஓர் ஆண்டில் பயன்படுத்தும் தமிழகத் தண்ணீரின் அளவு 510 கோடி கனமீட்டர். முல்லைப் பெரியாறு அணைமூலம் தமிழகத்திற்கு வரவேண்டிய தண்ணீர்  வெறும் 12.6 கோடி கனமீட்டர் மட்டுமே. (பழ.நெடுமாறன், தினமணி 30-11-2011).

 

தமிழக நெய்வேலி அனல்மின் நிலையத்தில் இருந்து கேரளத்திற்குச் செல்லும் மின்சாரம் ஒரு நாளைக்கு 9 கோடி யூனிட். இத்தனை வழிகளில் கேரளம் தமிழ்நாட்டைச் சார்ந்து இருக்கிறது. ஆனால் இதற்கான  நன்றி உணர்ச்சி எதுவும் மளையாளிகளிடம் இல்லை.

 

தமிழர்களே, 1947 ஆகஸ்டு 15-க்குப் பிறகு நாம் இழந்துள்ள உரிமைகளை எண்ணிப்பாருங்கள். வெள்ளைக்காரன் தமிழகத்தின் காவிரி உரிமையை நிலைநாட்டி 1924-ல் சிறந்ததொரு ஒப்பந்தம் செய்து வைத்தான். தில்லிக்காரன் ஆட்சியில் அது செல்லாது  என்று சொல்லிவிட்டார்கள். காலம் காலமாகக் காவிரியில் பாசனம் பெற்ற 28 இலட்சம் நன்செய் நிலம் பாழ்பட்டுக் கிடக்கிறது. 1895-இல் முல்லைப் பெரியாறு அணையைக்கட்டி 999 ஆண்டுகளுக்கு அது தமிழகத்திற்கு உரியது என்று ஒப்பந்தம் செய்துவைத்தான் வெள்ளைக்காரன். இன்று  அந்த ஒப்பந்தம் செல்லாது என்கிறார்கள், அணையை உடைக்க நாள் பார்க்கிறார்கள். அந்த அணையால் பாசனம் பெற்ற 2 இலட்சம் ஏக்கர் நன்செய் நிலம் பாழ்பட்டுக் கிடக்கிறது.

 

1950-க்குப் பிறகு பாலாற்றில் ஏராளமான தடுப்பணைகளைக் கட்டித் தமிழகத்திற்குத் தண்ணீர் வராமல் தடுத்து விட்டது ஆந்திரப் பிரதேச அரசு. இப்போது கடைசி எல்லையான கணேசபுரத்திலும் அணை கட்டுகிறது ஆந்திரம்.இனி பாலாற்றிலிருந்து கசிவு நீரும் தமிழகத்திற்கு வராது. காவிரி, முல்லை பெரியாறு, பாலாறு மூன்றையும் இழந்து விட்டால் பாசனத்திகு மட்டும்மல்ல குடிநீருக்கும் தமிழ்நாட்டில் தண்ணீர் கிடையாது.

 

1950களில் மொழிவாரி மாநிலம் அமைத்த பொழுது பல்லாயிரக்கணக்கான சதுர கிலோ மீட்டர் பரப்புள்ள ஊர்களையும், நகரங்களையும் மற்றும் இயற்கை வளங்களையும் , ஆந்திர, கர்நாடக, கேரள மாநிலங்களிடம்  பறிகொடுத்தோம். 1974-ல் நமது கச்சத்தீவை சிங்கள அரசுக்குக் கொடுத்தது இந்தியா.

 

சிங்களப் படையாட்கள் சற்றொப்ப 550 தமிழக மீனவர்களை சுட்டுக்கொல்ல இந்தியா துணைநின்றது. இனியும் தமிழக மீனவர்களைக் கொல்லவும், தமிழகக் கடற்பரப்பில் தமிழர்கள் மீன்பிடிப்பதைத் தடுக்கவும் இலங்கைக்கு இந்தியா துணைநிற்கப் போகிறது. 2008-2009 ஆண்டுகளில் நம் உறவுகளான ஒன்றரை இலட்சம் ஈழத்தமிழர்களை அழிப்பதற்கும் ஈழ விடுதலைப்போரை வீழ்த்துவதற்கும் இலங்கை அரசுக்கு எல்லா வகையிலும் துணை நின்றது இந்தியா. 

 

இனியும் பொறுப்பது கூடாது தமிழர்களே..! எரிதழல் நெஞ்சில் ஏந்துங்கள்!

 

உலகின் மூத்த இனமான தமிழினம் நம் தலைமுறைக் காலத்தில் அழிந்து விட நமது செயலின்மை காரணமாக அமைந்து விடக்கூடாது. முல்லைப் பெரியாறு அணை உரிமையைக் காப்பதற்குரிய எல்லா வழிகளும் மூடப்பட்டு விட்டன. இந்திய அரசு, நீதித்துறை , இந்திய அரசமைப்புச் சட்டம் ஆகிய அனைத்தும் நம்மைக் கைவிட்டு விட்டன. பகைவனைப் பணிய வைத்து உரிமைகளைக் காப்பதைத் தவிர வேறு வழி இல்லை. மலையாள இனவெறியர்களுக்குப் பதிலடி கொடுக்க வேண்டிய வரலாற்றுக் கட்டாயம் நம் வாசல் கதவைத் தட்டுகிறது.

 

தமிழ்நாட்டில் உள்ள அனைத்து மலையாளிகளையும் வெளியேறும்படிக் கோருவோம்.

 

நெய்வேலியிலிருந்து கேரளம் செல்லும் மின்சாரத்தை நிறுத்தி,

அதைத் தமிழ் நாட்டிற்கு வழங்கச் செய்வோம்.

 

கேரளத்திற்குச் செல்லும் எல்லாப் பாதைகளையும் மூடி,

கேரளத்திற்கு எதிராகப் பொருளாதார முற்றுகையை உருவாக்குவோம்.

 

இதற்கான பரப்புரை இயக்கத்தை தமிழ்த் தேசப் பொதுவுடைமைக் கட்சி 07.12.2011 அறிவன்(புதன்) அன்று தமிழகத்தின் முக்கிய நகரங்களில் தொடங்குகிறது. அதில் தமிழர்கள் திரளாக கலந்து கொள்ளுமாறு உரிமையோடு கேட்டுக் கொள்கிறேன்.

 

வரலாறு நமக்கு வேறு மாற்றுப்பாதை எதையும் விட்டுவைக்கவில்லை!

 

களத்திற்கு வாருங்கள் தமிழர்களே!

 

 

                                                                    தோழமையுடன்,

பெ.மணியரசன்

தலைவர்,

தமிழ்த் தேசப் பொதுவுடைமைக் கட்சி

இடம் : தஞ்சை

நாள்  : 05.11.2011

 

கொள்கையற்ற ஒற்றுமை குழப்பத்தில் முடியும் – துபாயில் பெ.மணியரசன் பேச்சு..

 

கொள்கையற்ற ஒற்றுமை குழப்பத்தில் முடியும் என்று தமிழ்தேசப் பொதுவுடைமைக் கட்சியின் தலைவர் தோழர் பெ.மணியரசன் கூறினார். துபாய் சிவாஸ்டார் அரங்கத்தில் 3-12-2011 மாலை தமிழர் பண்பட்டு நடுவம் நடத்திய கூட்டத்தில் பேசும்போதே இவ்வாறு கூறினார். இலண்டனில் ஈழத்தமிழர்கள் நடத்திய பண்பாட்டு கருத்தரங்கம் மற்றும் மாவீரர் நாள் வீரவணக்கக் கூட்டங்களில் கலந்துகொண்டு விட்டு தமிழகம் திரும்பும் வழியில் துபாயில் இக் கூட்டத்தில் பங்கேற்றார்.

இக்கூட்டதிற்குத் தோழர் சிவா தலைமையேற்றார். திருவாளர்கள் சங்கமம் தொலைக்காட்சியின் உரிமையாளர் கலையன்பன், கவிஞர் கவிமதி, யுஏ, தமிழர் அரங்கத்தின் பிரேம் ஆகியோர் தமிழர் ஒற்றுமையை வலியுறுத்தி பேசினர். இந்நிகழ்வில் முன்னதாக திரு. சிவகுமார் அவர்கள் வரவேற்று பேசினார். இறுதியாக தோழர் பட்டணம் மணி அவர்கள் வந்திருந்த அனைவருக்கும் நன்றி கூறினார்.

நிறைவில் பேசிய தோழர் மணியரசன் பின்வரும் கருத்துக்களை வலியுறுத்தினார்.
ஐந்து கண்டங்களிலும் பத்து கோடித் தமிழர்கள் வாழ்கிறோம். நமக்கு இறையாண்மையுள்ள சொந்த அரசு எங்கும் இல்லாததால்தான் உலக அரசியலில் நம்மால் எந்தப் பாத்திரமும் வகிக்க முடியவில்லை. உலக நாடுகளும் நமது துன்ப துயரங்களைக் கண்டுகொள்வது இல்லை.

ஈழத்தில் 2008-2009 ஆண்டுகளில் ஒன்றரை இலட்சம் தமிழ் மக்கள் சிங்கள அரசால் கொல்லப்பட்ட போது அதைத் தடுத்து நிறுத்த எந்த நாடும் முன்வரவில்லை. அதே வேளை ஒன்றரைக்கோடி மக்கள்தொகை மட்டுமே கொண்ட சிஙகளர்களுக்கு ஓர் அரசு இருப்பதால் இந்தியா, சீனா, இரசியா போன்ற பெரும் பெரும் நாடுகள் போட்டி போட்டுக் கொண்டு இலங்கை அரசு நடத்திய தமிழின அழிப்புப் போருக்கு துணை செய்தன.

இந்த நிலையில் உலகெங்கும் வாழும் தமிழர்கள் தங்களுக்குள் இணைப்பை ஏற்படுத்திக் கொண்டு நாம் ஒரு சர்வதேசியமாக செயல்பட வேண்டும். ஒரு நாட்டில் தமிழர்களுக்கு இன்னல் நேர்ந்தால் மற்ற அனைத்து நாடுகளிலும் உள்ள தமிழர்கள் பாதிக்கப் பட்ட தமிழர்களுக்கு ஆதரவாக குரல்கொடுக்க வேண்டும்இ போராட வேண்டும்.

இங்கு பேசிய நண்பர்கள் தமிழ்நாட்டில் உள்ள தமிழ் அமைப்புகள் அனைத்தும் ஒன்று சேர வேண்டும் என்று கூறினார்கள். அது நல்ல நோக்கம் கொண்ட கருத்துதான். ஆனால் அடைய வேண்டிய இலக்கில் ஒற்றுமை இல்லாமல் ஏற்படும் அமைப்புகளின் ஒற்றுமை நல்ல பலன்களைத் தருவதற்கு மாறாக குழப்பத்தையே உருவாக்கும். செல்லும் திசை வழி பற்றி ஒத்த கருத்து இல்லாமல் பெரும் கூட்டத்தைக் காட்ட வேண்டும் என்பதற்காகக் கூடிக்கொள்வதால் எந்தப் பயனும் இல்லை. அவ்வாறான பெரும் கூட்டம் நமக்கு ஏற்பட்ட உரிமை இழப்புகள் குறித்தும் ஈழத்தமிழர் பேரழிவு குறித்தும் ஒப்பாரி வைத்துக்கொள்ள மட்டுமே பயன் படுகின்றன. இவற்றிற்கான தீர்வை நோக்கி திசை வழியை தீர்மானிக்க அது பயன்படவில்லை.

இணையத் தளங்கள் இன்றைக்கு பெரும் பெரும் நிறுவனங்கள் நடத்தும் ஊடகங்களுக்கு மற்றாகஇ அதிகாரத்தில் இல்லதவர்களின் குரலை வெளிப்படுத்தும் ஆற்றல் மிகு ஊடகங்களாக செயல் படுகின்றன. துனீசியஇ எகிப்து சர்வாதிகார ஆட்சிகளுக்கு எதிராக மக்களைத் திரட்டியதில் இணையத் தளங்கள் பெரும் பங்கு வகித்தன. நம்முடைய இளைஞர்களும் ஊடகங்களை நன்கு பயன் படுத்தி வருகின்றனர்.

இணையத்தளங்களில் தங்கள் கருத்துக்களை எழுதிக்கொள்ள வாய்ப்பு இருப்பதால் சிலர் அதை பொழுதுபோக்குக் கருவியாகப் பயன்படுத்திக் கொள்கின்றனர். வேறு சிலர் இணையதளங்களில் எழுதுவதை மட்டுமே தங்களின் ஒரே பணியாகக் கொண்டுள்ளனர். இன்னும் சிலர் இணையத்தளங்களில் தாங்கள் எழுதுவதை வைத்துக்கொண்டு தன்னைத்தானே ஒரு நிறுவனமென்றும் தன்னைத்தானே ஒரு இயக்கமென்றும் கருதிக் கொள்கின்றனர். இப்போக்கு ஒரு இலட்சியத்தை நோக்கி ஒத்த கருத்துள்ளவர்களோடு சேர்ந்து செயல்படாமல்இ ஒதுங்கிக் கொண்டு விமர்சனம் மட்டும் கூறும் உதிரிப் போக்காகவே அமையும் என்று பேசினார்.

இந்நிகழ்வில் கலந்து கொண்ட அனைவரும் நிறைவான கருத்துக்களோடு விடை பெற்றனர்.

தமிழகத்திலிருந்து மலையாளிகளை வெளியேற்றுவோம் - கி.வெங்கட்ராமன் பேச்ச!

முல்லைப் பெரியாறு அணையை

உடைக்கத் துடிக்கும் மலையாளிகளை வெளியேற்றுவோம்!

தமிழ்த் தேசப் பொதுவுடைமைக் கட்சி பொதுச் செயலாளர் கி.வெங்கட்ராமன் பேச்சு!

 

தமிழகத்திற்குச் சொந்தமான முல்லைப் பெரியாறு அணையை உடைக்கத் துடிக்கும் மலையாளிகளை தமிழகத்திலிருந்து வெளியெற்றுவொம் என தமிழ்த் தேசப் பொதுவுடைமைக் கட்சி பொதுச் செயலாளர் தோழர் கி.வெங்கட்ராமன், மதுரையில் இன்று மாலை நடந்த ஆர்ப்பாட்டத்தில் பேசினார்.

 

"முல்லைப் பெரியாறு அணையைக் காப்போம்" என வலியுறுத்தி, இன்று(03.12.2011) மாலை, மதுரை காளவாசல் மாப்பிள்ளை விநாயகர் திரையரங்கு அருகில் தமிழ்த் தேசப் பொதுவுடைமைக் கட்சி சார்பில் ஆர்ப்பாட்டம் நடந்தது. ஆர்ப்பாட்டத்திற்கு, த.தே.பொ.க. நகரச் செயலாளர் தோழர் ரெ.இராசு தலைமை தாங்கினார். முல்லைப் பெரியாறு அணை நீரால் பாசன வசதி பெறும் உழவர் அமைப்புத் தலைவர்கள் கட்டக்குளம் இராமசாமி, வாடிப்பட்டி தேவராசன், நடராசன், பெரியசாமி மற்றும், தமிழ்த் தேசப் பொதுவுடைமைக் கட்சி தலைமைச் செயற்குழு உறுப்பினர் தோழர் அ.ஆனந்தன், தமிழர் தேசிய இயக்கம் அமைப்பாளர் எம்.ஆர்.மணிக்கம், கதிர்நிலவன்(த.தே.வி.இ.), மக்கள் உரிமைப் பேரவை ஒருங்கிணைப்பாளர் வழக்கறிஞர் சு.அருணாச்சலம், நாயகம் (இயற்கை பாதுகாப்பு இயக்கம்) ஆகியோர் இதில் கலந்து கொண்டு மலையாளிகளின் உரிமை மறுப்புக்கு எதிராக கண்டன உரையாற்றினர்.

 

ஆர்ப்பாட்டத்தின் நிறைவில் பேசிய, தமிழ்த் தேசப் பொதுவுடைமைக் கட்சி பொதுச் செயலாளர் தோழர் கி.வெங்கட்ராமன், "நேற்று கேரள அரசின் தலைமை வழக்கறிஞர் தண்டபாணி கேரள உயர்நீதி மன்றத்தில் முல்லைப் பெரியாறு அணை வலுவாக இருப்பதாகவும், பாதுகாப்பு குறைபாடுகள் ஏதும் இல்லையென்றும், ஒருவேளை அணை உடைந்தாலும் அத்தண்ணீர் முழுவதையும் முல்லை பெரியாறு அணைக்கு கீழ்ப்பகுதியில் உள்ள பெரிய அணையான இடுக்கி அணை உள்வாங்கிக் கொள்ளும் என்றும் தெரிவித்துள்ளார். அணை பலவீனமடைந்திருப்பதாக அச்சம் ஏற்படுத்தும் பரைப்புரையை ஊடகங்கள் தான் செய்கின்றன என்றும் அவர் கூறினார். இது தான் உண்மை நிலை.

 

ஊடகங்கள் மட்டுமின்றி, இதற்கு நேர் மாறாக காங்கிரஸ், மார்க்சிஸ்டு கம்யுனிஸ்டு கட்சி ஆகிய கட்சிகள் போட்டி போட்டுக் கொண்டு தமிழனப்பகை வெறியைப் பரப்புகின்றன. முல்லைப் பெரியாறு அணையை விட இடுக்கி அணையின் கொள்ளளவு 7 மடங்கு பெரியது. எனவே எந்த நிலையிலும் அங்கு அச்சப்படுவதற்கு அடிப்படையே இல்லை. வேண்டுமென்றே தமிழினப் பகைப் பரப்புரை கேரளத்தில் நடக்கிறது.

 

கேரளத்தின் அடிப்படை உணவுத்தேவையை தமிழகமே நிறைவு செய்கிறது. நாள் தோறும் 700 டன் அரிசி தமிழகத்திலிருந்து கேரளாவுக்கு செல்கிறது. கேரளத்தின் முழு இறைச்சித்  தேவையையும், காய்கறி, முட்டை ஆகியவற்றின் தேவையையும் தமிழ்நாடு தான் நிறைவு செய்கிறது. நெய்வேலி இரண்டாம் அனல் மின்நிலையத்திலிருந்து நாள்தோறும் 9 கோடி யூனிட் மின்சாரம் தமிழகத்திலிருந்து கேரளா செல்கின்றது. தமிழ்நாட்டில் வாழும் 30 இலட்சம் மலையாளிகள் வணிக அரசர்களாகவும், உயர் பதவிகளிலும் கோலோச்சுகிறார்கள். ஆனால், இதற்கான நன்றியுணர்ச்சி சிறிதும் இல்லாமல் தமிழினப் பகையோடு மலையாளிகள், முல்லைப் பெரியாறு அணை உரிமையை மறுத்து தமிழ்நாட்டு மக்களின் வயிற்றில் அடிக்கிறார்கள்.

 

 

இன்று மாலை குமுளியில் தமிழர்களின் வணிக நிறுவனங்கள் தாக்கப்பட்டுள்ளன. வாகனங்கள் அடித்து நொறுக்கப்பட்டுள்ளன. தமிழ்நாடு அரசின் பொதுப்பணித்துறை அலுவலகம் சூறையாடப்பட்டுள்ளது. இது தொடருமேயானால், தமிழகத்திலிருந்து மலையாளிகள் அனைவரையும் வெளியெற்றும் போராட்டத்தை தமிழர்கள் மேற்கொள்ள வேண்டும் கேரளத்திற்கு எதிராக பொருளாதாரத் தடை விதித்து பொருள் போக்குவரத்தை முடக்க வேண்டும். நெய்வேலி மின்சாரம் கேரளாவிற்கு செல்வதைத் தடுக்க வேண்டும். தமிழர்களுக்கு இதைத் தவிர வேறு வழியில்லை" என்று பேசினார்.

 

பெருந்திரள் உழவர்களும், உணர்வாளர்களும் கலந்து கொண்ட ஆர்ப்பாட்டத்தின் இறுதியில், சித்திரை தானி ஓட்டுநர் சங்கச் செயலாளர் தோழர் பா.இராசேந்திரன் நன்றியுரை நிகழ்த்தினார். 

முல்லைப் பெரியாறு அணை உரிமைக் காப்போம் - நாளை மதுரையில் த.தே.பொ.க. ஆர்ப்பாட்டம்!

முல்லைப் பெரியாறு அணை உரிமையை பாதுகாப்போம்

நாளை மதுரையில் தமிழ்த் தேசப் பொதுவுடைமைக் கட்சி ஆர்ப்பாட்டம்!

 

தமிழினத்திற்கு எதிரான கலவரப் பகுதியாகக் கேரளத்தை மாற்றுவதற்குக்  கேரள அரசும், மலையாள அரசியல் கட்சிகளும் தீவிரமாக முயன்று வருகின்றன. முல்லைப் பெரியாறு அணை இடிந்துவிடும், பேரழிவை ஏற்படுத்திவிடும்  என மலையாளிகளிடையே பீதியைப் பரப்பிவருகிறார்கள்.  எப்படியும் முல்லைப்பெரியாறு அணையை இடித்துவிடுவது என்ற சதி நோக்கத்தோடு திட்டமிட்டுச் செயல்படுகின்றனர்.

 

                இதற்கு வாய்ப்பாக அண்மையில் இடுக்கியில் நிகழ்ந்த 2.3ரிக்டர் அளவு நில அதிர்வைப் பயன்படுத்திக் கொள்கின்றனர். முல்லைப் பெரியாறு அணை வலுவிழந்துவிட்டதாக 1963லிருந்தே கேரள அரசும் மலையாள அரசியல்வாதிகளும் தொடர் பொய்ப் பரப்புரை நடத்தி வருகின்றனர்.  2001ல் இதே இடுக்கியில் இப்போது நிகழ்ந்ததைவிட இரண்டு மடங்கு வலுவுள்ள அதாவது 4.8 ரிக்டர் அளவுக்கு நிலநடுக்கம் வந்தபோது உடனடியாக ஆய்வு செய்த இந்திய அரசின் நீர்ப்பாசன ஆணையர், அணை வலுவாக இருப்பதாகச் சான்று வழங்கினார்.

 

                இந்திய உச்சநீதி மன்றம் சார்பற்ற வல்லுநர் குழுவை நியமித்து அணை குறித்து ஆய்வு செய்து பரிந்துரை பெற்று அதனடிப்படையில் 27.02.2006ல் அளித்த தீர்ப்பில் முல்லைப் பெரியாறு அணை வலுவாக இருப்பதாக உறுதி செய்து 142அடி தண்ணீரை உடனடியாகத் தேக்குமாறு ஆணையிட்டது. இந்த ஆண்டு சனவரி 20ல் முல்லைப் பெரியாறு அணையை ஆய்வு செய்த இந்திய அரசின் வல்லுநர் குழுவும் அணை வலுவாக இருப்பதாகச் சான்று அளித்தது.

 

இத்தனைக்குப் பிறகும் தமிழினப் பகை வெறியோடு கேரள அரசும் அம்மாநில அரசியல் கட்சிகளும் தொடர்ந்து பொய்ப் பரப்புரை செய்து வருகின்றன.  அணையை இடிக்க வேண்டும் என்று வலியுறுத்தி இடுக்கி மாவட்டத்தில் தொடர்ந்து கடையடைப்புகள், பேரணிகள் நடத்தி வருகின்றன.  தமிழகத்திலிருந்து சென்ற ஐயப்ப பக்தர்கள் உள்ளிட்ட தமிழர்களை மலையாளிகள் தாக்கி வருகின்றனர். தமிழ்நாடு பதிவு எண் உள்ள வாகனங்கள் தாக்கப்படுகின்றன. இடுக்கியில் வாழும் மண்ணின் மைந்தர்களான தமிழர்களும் தொடர்ந்து அச்சுறுத்தலில் வைக்கப்பட்டுள்ளனர். 

 

                அதே நேரம் கேரளமோ அனைத்து அடிப்படைத் தேவைகளுக்கும் தமிழ்நாட்டைச் சார்ந்தே உள்ளது.  கேரளத்தின் உணவுத் தேவைக்கு நாள்தோறும் 700 டன் தமிழக அரிசி செல்கிறது. கேரளத்தின் இறைச்சித் தேவை முழுவதையும் தமிழகமே நிறைவு செய்கிறது. காய்கறிகள், பழங்கள் போன்றவற்றிற்குக் கேரளம் பெரிதும் தமிழகத்தையே சார்ந்துள்ளது. கேரளத்து மலையாளிகளின் வானுயர்ந்த கட்டிடங்களுக்குத் தமிழகத்து மணலே கொள்ளை கொள்ளையாக எடுத்துச் செல்லப்படுகிறது. 

 

 தமிழகத்தில் 30 இலட்சம் மலையாளிகள் செல்வச் செழிப்போடும் உயர் அதிகாரப் பதவியிலும் வாழ்ந்து வருகின்றனர். தமிழர் தேசிய இயக்கத் தலைவர் திரு பழ. நெடுமாறன் அவர்கள் கணக்கிட்டுக் கூறியுள்ளது போல் (தினமணி 30.11.2011) ஒரு நபருக்குச் சராசரியாக 1700 கனமீட்டர் வீதம் 30 இலட்சம் மலையாளிகள் ஒரு ஆண்டில் பயன்படுத்தும் தமிழ்நாட்டுத் தண்ணீர் 510 கோடி கனமீட்டர். ஆனால் முல்லைப் பெரியாற்றில் நாம் கேட்பது வெறும் 12.6 கோடி கனமீட்டர் தண்ணீர்தான். அரபிக் கடலில் வீணாகக் கலக்கும் தண்ணீரில் இது வெறும் 18.5 விழுக்காடு மட்டுமே. 

 

                முல்லைப் பெரியாறு அணை உடைந்தால் 35 இலட்சம் மலையாளிகள் அழிந்து விடுவார்கள் என்று எந்த அடிப்படையுமற்ற பொய்யை மீண்டும் மீண்டும் மலையாளத் தலைவர்கள் பரப்பி வருகிறார்கள்.  முல்லைப் பெரியாறு அணை வலுவாகவே உள்ளது என்பதைப் பலதரப்பு வல்லுநர்களும் மீண்டும் மீண்டும் கூறிவிட்டார்கள்.  ஒரு வேளை அவ்வணைக்குச் சேதம் ஏற்பட்டாலும் அந்த நீர் இடுக்கி அணையில் சேர்ந்து விடுமே அன்றி அழிவை ஏற்படுத்தாது.  முல்லைப் பெரியாறு அணையின் மொத்த கொள்ளளவு 10 டிஎம்சி மட்டுமே. ஆனால் இடுக்கி அணையின் கொள்ளளவு 70 டிஎம்சி ஆகும்.

 

எந்த உண்மைச் சான்றும் இன்றி தமிழினப் பகையோடு மலையாள இனவெறியர்கள் முல்லைப் பெரியாறு அணையை இடிக்கத் துடிக்கிறார்கள்.  புதிய அணைகட்டப் போவதாகப் பாசாங்கு செய்கிறார்கள்.  மலையாள வெறியர்களின் தமிழினப் பகை நடவடிக்கைக்கு எதிராகப் பதிலடி கொடுக்க வேண்டிய காலம் நெருங்கிவிட்டது. 

 

முல்லைப் பெரியாறு அணையை இடிக்கத் துடிக்கும் மலையாளிகளையும், மலையாளிகளின் நிறுவனங்களையும் தமிழகத்திலிருந்து வெளியேற்றுவோம்.  தமிழினப் பகை தேசமான கேரளத்திற்கு எதிராக எல்லைகளை மூடி பொருள் போக்குவரத்தை நிறுத்தி பொருளாதாரத் தடை விதிப்போம். நெய்வேலி இரண்டாம் அனல் மின்நிலையத்திலிருந்து கேரளத்திற்கு நாள்தோறும் செல்லும் 9கோடி யூனிட் மின்சாரத்தைத் தடுத்து நிறுத்த வலியுறுத்துவோம். 

 

இக்கோரிக்கைகளை வலியுறுத்தி நாளை(03.12.2011) மாலை மதுரை காலவாசல் மாப்பிள்ளை விநாயகர் திரையரங்கு அருகில் தமிழ்த் தேசப் பொதுவுடைமைக் கட்சி சார்பில் பெருந்திரள் ஆர்ப்பாட்டம் நடக்கிறது. இதில், முல்லைப் பெரியாறு அணை நீரால் பாசன வசதி பெறும் உழவர் அமைப்புத் தலைவர்கள் கம்பம் கே.எம்.அப்பாஸ், தேவராசன், பார்த்தசாரதி உள்ளிட்ட தலைவர்களும், தமிழ்த் தேசப் பொதுவுடைமைக் கட்சி தலைமைச் செயற்குழு உறுப்பினர் தோழர் அ.ஆனந்தன், தமிழர் தேசிய இயக்கம் அமைப்பாளர் எம்.ஆர்.மணிக்கம், மகளிர் ஆயம் ஒருங்கிணைப்பாளர் தோழர் அருணா, மக்கள் உரிமைப் பேரவை ஒருங்கிணைப்பாளர் வழக்கறிஞர் சு.அருணாச்சலம், சித்திரை தானி ஓட்டுநர் சங்கத் தலைவர் திரு. பா.இராசேந்திரன் ஆகியோர் கண்டன உரையாற்றுகின்றனர்.

 

நிறைவாக, தமிழ்த் தேசப் பொதுவுடைமைக் கட்சி பொதுச் செயலாளர் தோழர் கி.வெங்கட்ராமன் சிறப்புரை நிகழ்த்துகிறார். இவ்வார்ப்பாட்டத்திற்கு திரளான தமிழ் உணர்வாளர் ளும், பொது மக்களும் கலந்து கொள்ள வேண்டுமென தமிழ்த் தேசப் பொதுவுடைமைக் கட்சி வேண்டுகோள் விடுக்கிறது.  

 

தமிழ்த் தேசப் பொதுவுடைமைக் கட்சி,

வெளியீட்டுப் பிரிவு

 

இடம் : சென்னை

நாள்  : 02.11.2011

முல்லைப் பெரியாறு: கேரள அரசின் தமிழினப்பகையை கண்டிக்கிறோம் - கி.வெங்கட்ராமன்

முல்லைப் பெரியாறு:

கேரள அரசின் தமிழினப்பகையை கண்டிக்கிறோம்

தமிழ்த் தேசப் பொதுவுடைமைக் கட்சி பொதுச் செயலாளர் கி.வெங்கட்ராமன்

 

முல்லைப் பெரியாறு அணைத் தொடர்பாக அடிப்படையற்ற அச்சத்தை கேரள மக்களிடம் பரப்பி அந்த அணையை சட்டவிரோதமாக இடிப்பதற்கு கேரள அரசு முனைகிறது. தன்னுடைய தமிழர் பகை நோக்கத்திற்கு கேரள மக்களை திரட்டிக் கொள்வதற்காக அவ்வணை இடிந்து விழும் என்ற பரப்புரையை தொடர்ச்சியாக மேற்கொண்டு வருகிறது.

 

அதன் ஒரு பகுதியாக இடுக்கி மாவட்டத்தில் கேரள அரசின் ஆதரவோடு முல்லைப் பெரியாறு அணையை உடைக்க கோரும் முழுஅடைப்பு போரட்டத்தை கேரள கட்சிகள் நடத்துகின்றன.

 

உச்சநீதிமன்றம் நியமித்த சார்பற்ற வல்லுநர் குழு அறிவியல் ஆதாரங்களின் அடிப்படையில் அணை வலுவுடன் உள்ளதாக அறிவித்து அதனை உச்சநீதிமன்றமும் ஏற்றுக்கொண்டு அணையில் 145அடி தண்ணீர் தேக்குமாறு ஒரு முறைக்கு இரு முறை தீர்ப்பளித்து விட்டது. இத்தீர்ப்பை மீறும் வகையிலும் தமிழர்களுக்கு எதிரான இனப்பகையை தீவிரப்படுத்தும் முறையிலும் இந்த கடை யடைப்புக்கு கேரள அரசு ஏற்பாடு செய்கிறது.

 

முல்லைப் பெரியாறு அணை மட்டுமின்றி இடுக்கி மாவட்டம் முழுவதும் தமிழர்களின் வரலாற்றுத் தாயகமாகும். மொழிவழி மாநில சீரமைப்பு நடக்கும் போது தவறாக இடுக்கி மாவட்டம் கேரளத்துடன் இணைக்கப்பட்டது. இன்றும் கூட இடுக்கி மாவட்டத்தின் மக்கள் தொகையில் ஏறத்தாழ 70 விழுக்காட்டினர் தமிழர்கள் ஆவர்.

 

எனவே இனப்பகையை வளர்க்கும் இடுக்கி மாவட்ட முழு அடைப்பு போரட்டத்தை தமிழ்த் தேசப் பொதுவுடைமைக் கட்சி சார்பில் வன்மையாக கண்டிக்கிறேன்.

 

கேரள அரசின் இந்த தமிழினப் பகைப்போக்குத் தொடருமேயானால் தமிழகத்தில் இயங்கும் மலையாளிகளின் நிறுவனங்களும் பெருந்தொகையாக வாழும் மலையாளிகளும் தமிழகத்தி லிருந்து வெளியேற்றப்பட வேண்டும் என்ற போரட்டத்தை தமிழ்த் தேசப் பொதுவுடைமைக் கட்சியும், தமிழின உணர்வாளர்களும் மேற்கொள்ள வேண்டி வரும்.

 

இந்திய அரசு, பிழையாக கேரளத்துடன் இணைக்கப்பட்ட முல்லைப் பெரியாறு நீர் பிடிப்பு பகுதிகளையும் இடுக்கி மாவட்டத்தையும் தமிழகத்துடன் இணைத்து எல்லை மறுசீரமைப்பு செய்யுமாறு வலியுறுத்துகிறேன். உச்சநீதிமன்ற தீர்ப்புக்கு எதிராக கேரள அரசு செய்யும் அடாவடிகளை நிறுத்த வலியுறுத்தி அரசமைப்பு சட்ட விதி 355ன் கீழ் அறிவுறுத்தல் ஆணை அனுப்புமாறு இந்திய அரசை வலியுறுத்தி கேட்டுக்கொள்கிறேன்.

 

கேரள அரசின் இந்த தமிழினப்பகை நடவடிக்கைக்கு எதிராக அனைத்து தமிழர்களும் ஒன்றிணைந்து நின்று முல்லைப் பெரியாறு அணை உரிமையை பாதுகாக்க முன்வருமாறு கேட்டுக் கொள்கிறேன்.

 

தோழமையுடன்,

கி.வெங்கட்ராமன்

பொதுச் செயலாளர்,

தமிழ்த் தேசப் பொதுவுடைமைக் கட்சி

 

இடம்: சிதம்பரம்

அணை-999 படம் திரையிடப்பட்டால் மறியல் போராட்டம் நடத்துவோம் - பெ.மணியரசன் அறிவிப்பு!

அணை-999 படம் திரையிடப்பட்டால் மறியல் போராட்டம் நடத்துவோம்!

தமிழ்த் தேசப் பொதுவுடைமைக் கட்சித் தலைவர் பெ.மணியரசன் அறிவிப்பு 

 

மலையாள திரைப்பட இயக்குநர் ஷோகன் ராய் என்பவர் அணை-999 (DAM-999) என்று ஆங்கிலத்தில் ஒரு திரைப்படம் எடுத்துள்ளார். அதை தமிழிலும் மொழி மாற்றம் செய்துள்ளனர். அப்படத்தை வெளிநாடுகளில் வாழும் மலையாளிகளும், கேரள அரசும் பெரும் நிதியுதவி அளித்து எடுத்;துள்ளார்கள்.

 

முல்லைப் பெரியாறு அணை 999 ஆண்டுகளுக்கு தமிழ்நாட்டிற்கு உரியது என்று போடப்பட்டுள்;ள ஒப்பந்தத்தைக் குறிக்கும் வகையில் அணை 999(டேம்-999) என்ற தலைப்பில் அப்படம் எடுக்கப்பட்டுளளது. முல்லைப் பெரியாறு அணை உடைந்து மக்களெல்லாம் இலட்சக்கணக்கில் மிதந்து அழிந்து, உடைமைகளும் விலங்குகளும் மனிதக் கூட்டமும ஊர்களும் அழிவதைப் போல சித்தரித்து படமெடுத்துள்ளார்கள் என்று செய்திகள் வெளிவந்துள்ளன.

 

முல்லைப் பெரியாறு அணை உடைந்து மக்கள் அடித்துச் செல்வதை போல சில ஆண்டுகளுக்கு முன் கேரள சி.பி.எம். முதல்வர் அச்சுதானந்தன் ஒரு பரப்புரை படம் எடுத்து கேரள மக்களிடையே பீதியைப் பரப்பி முல்லைப் பெரியாறு அணைக்கும் தமிழ் இனத்திற்கும் எதிரான இனப்பகையை தூண்டி விட்டார். உச்சநீதிமன்றம் 2006ஆம் ஆண்டு பிப்ரவரி மாதம் அளித்த தீர்ப்பில், வல்லுநர் குழு பார்வையிட்டு அளித்த அறிக்கையின்படி அணை வலுவாக உள்ளது எனக் கூறியுள்ளது. முதல் கட்டமாக 142 அடி தண்ணீர் தேக்கலாம் என்றும் சிற்றணையில் சிறு செப்பனிடும் பணிகள் செய்த பின் முழு அளவான 152 அடி தேக்கலாம் என்றும் அத்தீர்ப்பில் கூறியுள்ளது.

 

ஆனால், இத்தீர்ப்புக்கு எதிராக இப்பொழுதுள்ள அணையை உடைக்க வேண்டும் என்பது தான் அங்குள்ள கம்யூனிஸ்ட் கட்சி, காங்கிரசு கட்சி உள்ளிட்ட மலையாள இனவெறிக் கட்சிகளின் திட்டம். அந்த நோக்கத்தை சாதிக்கும் வகையில் இப்பொழுது இந்த அணை-999 என்ற படம் எடுக்கப்பட்டுள்;ளது.

 

முல்;லைப் பெரியாறு அணை குறித்த வழக்கு உச்சநீதிமன்ற விpசாரணையில் உள்ளது. உச்சநீதிமன்ற விசாரணையில் உள்;ள ஒரு சிக்கல் பற்றி ஒருபக்கச் சார்பாக திரைப்படம் எடுத்து வெளியிடுவது நீதிமன்ற அவமதிப்பாகும். இதற்கு தணிக்கைச் சான்று கொடுத்தது மிகப்பெரிய தவறும் உள்நோக்கம் கொண்டதும் ஆகும். இரண்டாவதாக இனங்;களுக்கிடையே பகைமையை மூட்டி விடும் வகையில் தயாரிக்கப்பட்டுள்ள ஒரு படத்திற்கு தணிக்கைச் சான்று வழங்கியது சட்டவிரோதமாகும்.

 

இந்தப் படம் உலகத்தில் எங்கும் திரையிடப்படக் கூடாது. குறிப்பாக தமிழ்நாட்டில் திரையிடப்பட்டால் இனக்கலவரம் மூளும் அபாயம் உள்ளது. எனவே, தமிழக அரசு இந்தப் படத்தை தமிழ்நாட்டில் திரையிடாமல் தடை செய்ய வேண்டும். அதற்கு இந்திய அரசை தமிழக அரசு வலியுறுத்த வேண்டும்.

 

வருகிற 25 நவம்பர் 2011 அன்று அணை-999 படம் தமிழ்நாட்டில் திரையிடப்பட்டால் அந்த திரையரங்குகளின் முன் தமிழ்த் தேசப் பொதுவுடைமைக் கட்சி போராட்டம் நடத்தி படம் திரையிடா;ப்படாமல் மறியல் நடத்தும். தமிழ் இன உணர்வாளர்கள்; இப்போராட்டத்திற்கு திரளாக வர வேண்டுமெனவும் கேட்டுக் கொள்;கிறேன்.

 

தோழமையுடன்,

பெ.மணியரசன்

தலைவர், தமிழ்த் தேசப் பொதுவுடைமைக் கட்சி

 

இடம்: தஞ்சை