உடனடிச்செய்திகள்

Monday, September 30, 2019

கீழடி நாகரிகம் : ஆரிய - திராவிடத் திருட்டை அனுமதிக்காதீர்! பெ. மணியரசன்

கீழடி நாகரிகம் :
ஆரிய - திராவிடத் திருட்டை அனுமதிக்காதீர்!

ஐயா பெ. மணியரசன்
தலைவர் - தமிழ்த்தேசியப் பேரியக்கம்.

ஐயகோ, இந்தக் கொடுமை இந்தியாவில் வேறு எந்த இனத்திற்காவது உண்டா?

சொந்த இனத்தின் பெயரை சொல்லக்கூடாது; வேறொரு கலப்பட இனப்பெயரைச் சொல் என்று கட்டளை இடும் இந்தக் கொடுமை மராத்தியர்க்கு உண்டா? குசராத்தியர்க்கு உண்டா? தெலுங்கர் – கன்னடர்க்கு உண்டா? இல்லை! தமிழர்களுக்கு மட்டும்தான் உண்டு!

தமிழர் என்று சொல்லாதே, திராவிடர் என்று சொல்! தப்பித்தவறி தமிழர் என்று சொல்லிவிட்டால், திராவிடர் என்பதை அடுத்த வரியில் சேர்த்துக் கொள் என்கிறார்கள். “தமிழர் நாகரிகம் என்று சொல்லாதே! பாரத நாகரிகம் என்று சொல்!” என்கிறார்கள். இந்தக் கொடுமை வேறு எந்த இனத்திலாவது உண்டா? இல்லை!

திராவிடத் திருட்டு

கற்பனையாகக் கயிறு திரித்த கால்டுவெல் கூட “தமிழர்க்கு மறுபெயர் திராவிடர்” என்று கூறவில்லை. தமிழ், தெலுங்கு, கன்னடம், மலையாளம், துளு போன்ற மொழிகளுக்கு மூல மொழியாக இருந்தது திராவிடம் என்றுதான் கதையளந்தார்!

ஆனால், “திராவிடத் தந்தை” பெரியாரும், அவரின் வாரிசுகளும்தாம் தமிழர் அடையாளத்தை மறைத்து, திராவிட அடையாளத்தைத் திணிப்பதிலேயே 24 மணி நேரமும் குறியாக இருக்கிறார்கள்.

இதோ கீழடியில் தமிழர் தொன்மைப் பண்பாட்டின் பொருட்கள் அடுக்கடுக்காய் கிடைத்து வருகின்றன. திராவிடவாதிகள் திருட்டு வேலையைத் தொடங்கி விட்டார்கள்! அது திராவிட நாகரிகமாம்!

“அதனைத் திராவிடப் பண்பாடு என அறிஞர்கள் குறிப்பிடுவதைக் கேட்கும்போது, செவிகளில் இன்பத்தேன் பாய்கின்றது” என்று 28.09.2019 அன்று வெளியிட்ட அறிக்கையில் தி.மு.க. தலைவர் மு.க. ஸ்டாலின் பூரித்துப் போகிறார்.

ஸ்டாலின் அவர்களே, நீங்கள் தமிழர் பண்பாட்டை – திராவிடப் பண்பாடு என்று திரிக்கும்போது எங்களுக்குக் காதில் தேள் கொடுட்டுவது போல் அல்லவா வலிக்கிறது.

இன்னொருபுறத்தில், அமைச்சர் பாண்டியராசனோ கீழடியை பாரதப் பண்பாடு என்கிறார்.

ஆந்திராவிலோ, கர்நாடகத்திலோ கீழடிபோல் பழைய பண்பாட்டு அகழாய்வு கிடைத்தால் அவர்கள் அதைத் திராவிடப் பண்பாடு என்று சொல்வார்களா? சொல்லவே மாட்டார்கள்! தெலுங்கர் பண்பாடு, கன்னடர் பண்பாடு என்றுதான் சொல்வார்கள். தெலுங்கு தேசம் என்றல்லவா அங்கே கட்சி வைத்திருக்கிறார்கள். திராவிடப் பரிவாரங்கள் அங்கு கிடையாதே! தமிழீழத் தமிழர்களிடம் திராவிடக் கயிறு திரிக்க முடியுமா?

திராவிடவாதிகளே, நீங்கள் “தமிழர் என்றாலும் திராவிடர் என்றாலும் ஒன்றுதான் என்று கூறிக் கொள்கிறீர்கள். அக்கூற்றிலாவது, நீங்கள் நேர்மையாக இருந்தால், இலக்கிய வழக்கிலும், மக்கள் வழக்கிலும் தமிழர் என்றே அழைக்கப்படும் தமிழர்களைத் “தமிழர்” என்றே அழையுங்கள்!

தமிழர்களைத் “திராவிடர்கள்” என்றே அழையுங்கள் என்று இன்று உங்களிடம் கோரிக்கை வைப்போர் யார்? இராதாரவி போன்றவர்களா? அதையாவது சொல்லுங்கள்!

மொகஞ்சோதாரோ, அரப்பா நாகரிகம் திராவிட நாகரிகம் என்று அறிஞர்கள் கூறிவிட்டார்களாம். பூரித்துப் போகிறார் ஸ்டாலின். அந்த சிந்துவெளி நாகரிகம் தமிழர் நாகரிகம்தான்! எந்தத் திராவிடர் எந்த நாட்டில் வாழ்ந்தார்? அதற்கென்ன இலக்கியச் சான்று? அதற்கென்ன கல்வெட்டுச் சான்று? செப்பேட்டுச் சான்று?

தமிழர் – திரமிளர்; திராவிடர் என்று ஆனார்கள் என தேவநேயப் பாவாணர் கூறியுள்ளார் என்றும் ஸ்டாலின் தமது அறிக்கையில் “விளக்குகிறார்”. திராவிடரை நிலைநாட்ட இவ்வளவு பெரிய முயற்சி எடுப்பானேன்? “தமிழர்” என்ற இன அடையாளத்தைப் பின்னுக்குத் தள்ளத் தானே!

வலிந்து திராவிடரைத் திணிக்காவிட்டால் வருத்தப்படும் இனம் எது? மொழிஞாயிறு பாவாணர் தெளிவாகக் கூறியுள்ளார். “தமிழ் மொழி திராவிட மொழியன்று; தமிழிலிருந்து திரிந்து பிரிந்து போன தெலுங்கு, கன்னடம், மலையாளம் போன்றவையே திராவிட மொழிகள்” என்று! தமிழர் திராவிடர் அல்லர் என்றும், பாவாணர் தெளிவுபடுத்தியுள்ளார்.

தெலுங்கு, கன்னடம், மலையாளம் போன்ற மொழிகள் கூட திராவிட மொழிகள் அல்ல. அவை தமிழிலிருந்து பிரிந்தவை. அவை தமிழ் மொழிக் குடும்பத்தைச் சேர்ந்தவை (Tamil Linguistic Family).

கீழடிப் பொருட்களில் காணப்படும் எழுத்தைத் தமிழ் பிராமி என்று கூறுவது, வடநாட்டுப் பிராமிக்கு வால் பிடிக்கும் அடிமைத்தனம்! அது தமிழ் எழுத்து மட்டுமே! அதை மூலத்தமிழ் (Proto Tamil) என்று கூற வேண்டும். தமிழி என்று கூற வேண்டியதில்லை!

ஆரிய நூல்களான மனுதர்மம், குமாரில பட்டரின் தந்திரவார்த்திகா ஆகியவற்றிலிருந்து “திராவிட” என்ற சொல்லை எடுத்தேன் என்கிறார் கால்டுவெல். கால்டுவெல் கயிறு திரித்ததை வைத்து, தமிழர் நாகரிகங்களைத் “திராவிட” நாகரிகம் என்று மேலை நாட்டு ஆய்வாளர்கள் மேம்போக்காக அன்றும் கூறினார்கள்; இன்றும் கூறி வருகிறார்கள்.

இவர்கள் எல்லோரும் கால்டுவெல்லைப் போலவே முதலில் ஆரிய – பிராமணர்களிடம் பாடம் கேட்டு, சமற்கிருதம் கற்றுத் தேர்ந்த பின்னர் தமிழ் கற்றவர்கள். சமகால எடுத்துக்காட்டு – கலிபோர்னியா பல்கலைக்கழகப் பேராசிரியர் ஜார்ஜ் எல் ஹார்ட்; சில ஆண்டுகளுக்கு முன் காலமான பின்லாந்தின் அஸ்கோ பர்போலா!

ஆரியப் பெருமிதங்கள் – சமற்கிருதச் சிறப்புகள் ஆகியவற்றில் திளைத்துப் பின்னர், தமிழையும் கற்று – கால்டுவெல் காட்டிய திராவிடத்தை வழிமொழிந்தவர்கள் இவர்கள்.

ஆரியப் புரட்டு

தமிழறிஞர் என்று அறியப்படும் ஜார்ஜ் எல் ஹார்ட் என்பவரின் சமற்கிருதச் சார்பை மட்டும் – ஒரு சோறு பதமாகப் பார்க்கலாம்.

இவர் கலிபோர்னியா பல்கலைக்கழகத்தில் சமற்கிருதப் பேராசிரியராக செயல்பட்டுப் பின்னர் தமிழ் கற்றவர். தமிழ்மொழி கி.மு. 300–இல் தோன்றியது என்றும் சமற்கிருதம் கி.மு. 2000–இல் தோன்றியது என்றும் கட்டுரை எழுதியவர். சங்ககாலத் தமிழ் இலக்கியம் இந்துமதக் கருத்துகளைக் கொண்டது என்று “ஆய்வுரை” வழங்கியவர். இவருக்கு இந்திய அரசு (மோடி அரசு) 2015-இல் பத்மசிறீ விருது வழங்கி சிறப்பித்தது.

மேற்கண்ட கருத்துகளைக் கொண்ட இவரது கட்டுரையை நடப்பாண்டு 12ஆம் வகுப்பு ஆங்கிலப் பாடத்தில் சேர்த்திருந்தார்கள். கடும் எதிர்ப்புக் கிளம்பிய பின் தமிழ்நாடு அரசு அப்பாடத்தை நீக்கியது.

ஆரியமயமாக்கல் ஆபத்து

கீழடி நாகரிகத்தை இந்து நாகரிகம் – ஆரிய நாகரிகம் கலந்தது என்று கூறிட ஆரிய பிராமண “அறிஞர்கள்” இந்நேரம் அணியமாகிக் கொண்டிருப்பார்கள். இவர்கள் சிந்துவெளி தமிழர் நாகரிகத்தையே ஆரிய சரசுவதி நாகரிகம் என்று மாற்றி எழுதினார்கள். இவர்களில் இராசாராம் என்பவர் அரப்பாவில் கிடைத்த காளையின் வால் சுடுமண் வடிவத்தை – குதிரையின் வால் என்று மாற்றினார். காளை தமிழர் விலங்கு, குதிரை ஆரியர் விலங்கு! எனவே, சிந்துவெளி நாகரிகம் ஆரிய நாகரிகம் என்றார். அக்கதையை எல்லாம் உண்மையான ஆய்வாளர்கள் உடைத்துச் சுக்குநூறாக்கினர்.

எல்லாவற்றுக்கும் மேலாக அண்மையில் சிந்துவெளி நாகரிகத்தில் கிடைத்த எலும்புகளை வைத்து, மரபணு (DNA) ஆய்வு செய்ததில், அது ஆரியர் வருகைக்கு முன் இருந்த உள்ளூர் மக்கள் எலும்பு என்று கண்டறியப்பட்டுள்ளது. இதுபற்றிய ஆய்வுக்கட்டுரை Science (சைன்ஸ்) என்ற ஆங்கில ஆய்விதழில் வந்தது. அதை வைத்து ஆங்கில “இந்து” நாளேட்டில் 13.09.2019 அன்று “New reports clearly confirm ‘Arya’ migration into India” என்ற தலைப்பில் டோனி ஜோசப் கட்டுரை எழுதியுள்ளார்.

தமிழ்நாடு தமிழ்த்துறை அமைச்சர் பாண்டியராசன் (அ.தி.மு.க.) அவர்கள், “கீழடியை தமிழர் நாகரிகம் என்று கருதாமல் பாரத நாட்டின் மொத்த நாகரிகத்தின் தொடக்கமாகப் பார்க்க வேண்டும்” என்று இடுக்கில் புகுந்து கடுக்கண் கழற்றுவது போல் ஆரியக் கருத்தைப் புகுத்தினார்.

சங்கம் வளர்த்த தமிழ் மதுரையில் தமிழன்னை சிலையும், மற்ற வரலாற்றுச் சின்னங்களும் வடிப்பதற்குத் தமிழ்நாடு அரசு சார்பில் கொடுக்கப்பட்ட வரைவுக் கோட்பாடுகள் ஆரியஞ்சார்ந்து இருந்தன. அந்தத் துறைக்குப் பாண்டியராசன்தான் அமைச்சர்.

சங்ககாலத் தமிழர் பண்பாடு என்பது வேத பிராமண மதம் – இந்து மதம் ஆகியவை எல்லாம் கலந்த பண்பாடு. இந்த இந்துப் பண்பாடும் வெளிப்படும் வகையில் தமிழன்னை சிலை இருக்க வேண்டும் என்று தமிழ்நாடு அரசு வழிகாட்டும் நெறி வகுத்திருந்தது. தமிழ்த்தேசியப் பேரியக்கம், நாம் தமிழர் கட்சி மற்றும் தமிழின உணர்வாளர்கள் சமற்கிருத மாதா வடிவில் தமிழன்னை சிலை அமைப்பதை எதிர்த்து மதுரையில் போராடினோம். அச்சிலைத் திட்டத்தைத் தமிழ்நாடு அரசு கைவிட்டது.

ஆரியம் கீழடி நாகரிகத்தைக் களவாட முயலும். முடியாவிட்டால், அது மிகமிகப் பிற்காலத்து நாகரிகம் என்று சொல்லிவிடும். தமிழர்கள் ஆரியத் திருட்டு – திராவிடத் திருட்டு இரண்டிடமும் ஏமாறாமல் எச்சரிக்கையாக இருக்க வேண்டும்!

கீழடி நாகரிகம் கி.மு. ஆறாம் நூற்றாண்டைச் சேர்ந்தது என்பது சரியாக இருக்காது. அதற்கும் ஆயிரம் ஆண்டுகளுக்கு முற்பட்டதாகவே இருக்கும். மீண்டும் கீழடிப் பொருட்களை விரிவாக ஆய்வு செய்ய வேண்டும். சிந்துவெளி நாகரிகம் கி.மு. 3,300 – 1,700 என்று ஆய்வாளர்கள் கூறுகிறார்கள். கீழடி நாகரிகமும் இதையொட்டித்தான் இருக்கும்.

கடலியல் ஆய்வாளர் கிரகாம் அன்காக் பூம்புகாரிலிருந்து 5 கி.மீ. தொலைவில் கடலுக்குள் 11,500 ஆண்டு பழைமையான நகரம் ஒன்று கிடக்கிறது என்று கூறியுள்ளார். சிந்துவெளி நாகரிகம் என்பது, தமிழர்களின் வழிமுறை (Secondary Civilization) நாகரிகமே தவிர முதனிலை நாகரிகமன்று. தமிழர்கள் தெற்கிலிருந்து வடக்கே போனவர்கள்.

கடலுள் மூழ்கிய பஃறுளி ஆறு, குமரிக் கண்டம் ஆகியவையே தமிழர்களின் முதனிலை நாகரிகம் தோன்றிய இடங்கள். அவை கடலுக்குள் மூழ்கிவிட்டதால், ஆதிச்சநல்லூர், பூம்புகார் போன்றவையே இப்போதுள்ள முதனிலை நாகரிகங்கள்!

அருள் கூர்ந்து, தமிழ் இனத்தில் பிறந்த அனைவரும் தங்களைத் தமிழர் என்ற உண்மைப் பெயரில் அழைத்துக் கொள்ளுங்கள்! உங்கள் முன்னோர்க்கு இழுக்குச் சேர்க்கும் வகையில் “திராவிடர்” என்று அழைத்துக் கொள்ளாதீர்கள்! அரசியல் ஆதாயத்திற்காகவோ, பெரியார் பக்திக்காகவோ பிறந்த இனத்தை இழிவு படுத்தாதீர்கள்!

#கீழடி
#கீழடி_தமிழர்_நாகரிகம்
தலைமைச் செயலகம்,
தமிழ்த்தேசியப் பேரியக்கம்

பேச: 7667077075, 9443918095
முகநூல் : www.fb.com/tamizhdesiyam
ஊடகம் : www.kannottam.com
இணையம் : www.tamizhdesiyam.com
சுட்டுரை : www.twitter.com/Tamizhdesiyam
காணொலிகள் : youtube.com/Tamizhdesiyam

Saturday, September 28, 2019

பாவாணர் திராவிடத்தை தூக்கிப் பிடித்தாரா? ப. திருமாவேலனுக்கு மறுப்பு! தோழர் கதிர்நிலவன்.


பாவாணர் திராவிடத்தை தூக்கிப் பிடித்தாரா? ப.திருமாவேலனுக்கு மறுப்பு! தோழர் கதிர்நிலவன், பொதுக்குழு உறுப்பினர், தமிழ்த்தேசியப் பேரியக்கம்.

அமெரிக்காவின் தலைநகரான வாஷிங்டன் மேரிலாந்தில் பன்னாட்டு பெரியார் மனிதநேயர் சங்க மாநாடு 22,22.9.2019 ஆகிய இரண்டு நாட்கள் நடைபெற்றது. இதில் திராவிடர் கழகத் தலைவர் கி.வீரமணிக்கு வாழ்நாள் சாதனையாளர் விருது வழங்கப்பட்டது. இரண்டாவது நாள் நடைபெற்ற இந்த மாநாட்டில் "பெரியாரும் தமிழ்த்தேசியமும்" என்ற தலைப்பில் கலைஞர் தொலைக்காட்சி ஊடகவியலாளர் ப.திருமாவேலன் கலந்து கொண்டு உரையாற்றிய போது, "தமிழ் என்பதும், திராவிடம் என்பதும் ஒருபொருள் தரக்கூடிய இருவேறு சொற்கள் தான் " என்று தேவநேயப் பாவாணர் கூறியதாகப் பேசியுள்ளார்.

திருமாவேலன் பேச்சிலிருந்து ஒரு பகுதியைத் தருகிறோம்.

"பெரியாரைப் படிக்காதவர்கள், நீங்கள் பெரியாரைக் கூட படிக்கவேண்டாம்; இன்றைக்குத் தமிழ்த் தேசியம் பேசுபவர்கள் முதலில் மொழி ஞாயிறு தேவநேயப் பாவாணருடைய ‘திராவிடத்தாய்' என்ற நூலையும், அவருடைய ‘ஒப்பியன் மொழி நூல்' என்ற நூலையும் படித்துவிட்டு, அதற்குப் பிறகு நீங்கள் தமிழ்த் தேசியம் பேசுங்கள்.

பாவாணர் சொல்வது என்னவென்றால், ‘‘இக்கால மொழியியலும், அரசியலும் பற்றி தமிழும், அதனின்று திரிந்த திராவிடமும் வேறு பிரிந்து நிற்பினும் பழங்காலத்தில் ‘திராவிடம்' என்றதெல்லாம் தமிழே. திராவிடம் என்று திரிந்தது தமிழ் என்னும் சொல்லே.” இதை ஒப்பியன் மொழி நூல் என்ற நூலில், 15ம் பக்கத்தில் எழுதியவர் தந்தை பெரியார் அல்ல, பாவாணர்தான் எழுதியிருக்கிறார்.

‘தமிழ் என்பதுதான் - தமிழம் என்றும் - த்ரமிள என்றும் - திரமிட என்றும்- திரவிட என்றும் - த்ராவிட என்றும் - இறுதியில் திராவிடம்’ என்றும் உச்சரிக்கப்பட்டது’ என்று எழுதியவர் பாவாணர். "

பெரியார் பயன்படுத்திய திராவிடம் , திராவிட இனம், திராவிடர் ஆகிய சொற்கள் தமிழ்மொழி, தமிழின அடையாளத்தை மறைப்பதால் இனிமேல் தமிழரை திராவிடர் என்று அழைக்கக் கூடாது என்று தமிழ்த் தேசியர்கள் கடும் எதிர்ப்பை தெரிவித்து வருகின்றனர். கீழடி தமிழர் நாகரிகத்தை திராவிடர் நாகரிகம் என்று அழைப்பதையும் தக்க சான்றுகளோடு மறுத்து வருகின்றனர்.

இந்நிலையிலே , பெரியார் போற்றிய திராவிடத்தைப் பாதுகாக்க பாவாணரை துணைக்கு அழைத்துள்ளார் திருமாவேலன்.

ப.திருமாவேலன் அவர்கள் திராவிடம் குறித்து பாவாணரின் எழுத்துகளை முழுமையாக படிக்கவில்லை போலும்.

பாவாணர் தமிழ் மொழி திரிந்து திராவிட மொழிகள் உருவானதாக கூறுகிறாரே அன்றி, திராவிடமொழி திரிந்து தமிழ் உருவானதாக எப்போதும் குறிப்பிட வில்லை. தமிழே ஆரியத்திற்கு மூலமும் , திராவிடத்திற்கு தாயும் என்பதே பாவாணரின் இறுதியான முடிவாகும்.

பாவாணர் எழுதிய ""ஒப்பியன் மொழி நூல்" 1940 ஆம் ஆண்டிலும்,, "திராவிடத்தாய்" நூல் 1944ஆம் ஆண்டிலும் வெளி வந்த நூலாகும். பிற்காலத்தில் திராவிடம் குறித்த அவரின் பார்வை என்பது வேறுதன்மை கொண்டது. திராவிடத்திலிருந்து தமிழையும், தமிழரையும் விலக்க வேண்டும் என்பதே அவரது உறுதியான நிலைப்பாடாகும்.

பாவாணர் எழுதிய "தமிழியற் கட்டுரைகள்" நூலில் அவர் கொடுத்த தலைப்பு "திராவிடம் என்பதே தீது" .
(பக்.27-28)

அந்நூலில் பாவாணர் கூறுகிறார்;

"கால்டுவெல் கண்காணியார் முதன்முறையாகத் திராவிட மொழிகளை ஆய்ந்ததினாலும், அக்காலத்தில் தமிழ்த் தூய்மையுணர்ச்சியின்மையாலும்,
தமிழைத் திரவிடத்தினின்று வேறுபடுத்திக்காட்டத் தேவையில்லா திருந்தது. இக்காலத்திலோ, ஆராய்ச்சி மிகுந்துவிட்டதனாலும், வடமொழியும் இந்தியும்பற்றிய கொள்கையில், தமிழர்க்கும் பிற இன மொழியாளர்க்கும் வேறுபாடிருப்பதனாலும், தமிழென்றும், பிறஇனமொழிகளையே திரவிடம் என்றும் வேறுபடுத்திக் காட்டுதல் இன்றியமையாததாம்."

பாவாணர் தமிழ்மொழியை ஆரியத்திடமிருந்து மட்டுமல்ல; திராவிடத்திடமிருந்தும் மீட்க வேண்டும் என்கிற முடிவுக்கு வந்து விட்டார் என்பதையே பாவாணரின் மேற்கண்ட வரிகள் நமக்கு உணர்த்துகின்றன.

மேலும், அந்நூலில் கூறியவற்றை சுருக்கமாகத் தருகிறோம்:

தமிழர்கள் திரவிடர்கள் அல்லர்.
திராவிடர்கள் தமிழர்கள் அல்லர்.

* தமிழ், தமிழன், தமிழ்நாடு என்ற சொற்களன்றி திரவிடம், திரவிடன், திரவிடநாடு என்ற சொற்கள் ஒலித்தல் கூடாது.

* பால் தயிராய்த் திரைந்தபின் மீண்டும் பாலாகாததுபோல்,
வடமொழி கலந்து ஆரியவண்ணமாய்ப்போன திரவிடம் மீண்டும் தமிழ் ஆகாது.

* தமிழ் தூய்மையான தென்மொழியென்றும் திரவிடம் ஆரியங்கலந்த தென்மொழி என்றும் வேறுபாடு அறிதல் வேண்டும்.

* தமிழையும் திரவிடத்தையும் இணைப்பது பாலையும் தயிரையுங் கலப்பது போன்றது.

* தமிழ் என்னுஞ்சொல்லிலுள்ள உணர்ச்சியும் ஆற்றலும் திரவிடம் என்னுஞ்சொல்லில் இல்லை.

* திரவிடம் முக்கால் ஆரியமாதலால், அதனொடு தமிழையும் இணைப்பின், அழுகலொடு சேர்ந்த நற்கனியும் கெடுவது போலக் கெட்டுப்போம். பின்பு தமிழுமிராது, தமிழனுமிரான்.

* வடமொழியை நட்பாகக்கொள்ளும் திரவிடத்திற்கும், பகையாகக்கொள்ளும் தமிழுக்கும் சிறிதும் நேர்த்தம் இருக்க முடியாது.

* தமிழ் தனித்தியங்கும், திரவிடம் வடமொழித் துணையின்றித் தனித்தியங்காது.

* தமிழ் வேறு திரவிடம் வேறு

* வடமொழிக் கலப்பால் திரவிடம் உயரும்; தமிழ் தாழும்.

இந்நூல் தவிர, பாவாணர் அவர்கள் கி.ஆ.பெ.விசுவநாதம் நடத்திய " தமிழர் நாடு" (1951) இதழிலும், புதுக்கோட்டை அண்ணல் சுப்பிரமணியனார் மலரிலும் (1959) " தமிழ் வேறு, திராவிடன் வேறு" என்ற தலைப்பிலும் கட்டுரைகள் எழுதியுள்ளார்.

இவற்றையெல்லாம் படிக்காமலே திருமாவேலன் "ஒப்பியன் மொழி" நூலை மட்டும் திராலிடத்தின் கைக்சரக்காக காட்டுவது முறைதானோ?

உள்ளூரில் தாங்கள் கடை விரித்த திராவிடம் விலை போகாததால், அமெரிக்காவிற்குச் சென்று கூவி விற்க கிளம்பியுள்ளீர்கள்.

பெரியாரின் சொத்துகளை அனுபவிக்க, வாரிசுக்கு கைமாற்ற ஆசிரியர் வீரமணிக்கு பெரியாரின் திராவிடப் போர் வாள் தேவைப்படுகிறது.

திருமாவேலனுக்கு அப்படியொரு நெருக்கடி இல்லை என்ற போதிலும், தான் பணிபுரியும் திராவிடம் காக்கும் நிறுவனத்திற்கு செஞ்சோற்றுக்கடன் தீர்க்க வேண்டும் அல்லவா?

திருமாவேலனுக்கு பெரியாரை உயர்த்திப் பிடிக்கும் உரிமை உண்டே தவிர, திராவிடத்தை தமிழர் மீது திணிக்கும் உரிமை ஒருபோதும் கிடையாது.

பாவாணர் பெரியாரின் ஆரிய எதிர்ப்பை பாராட்டியவர் என்பதை மறுப்பதற்கில்லை. அதற்காக பாவாணர் தூக்க மறுத்த - துருப்பிடித்த - பெரியாரின் திராவிடப் போர்வாளை தயவு செய்து தமிழ்த் தேசியர்களிடம் காட்டி பயமுறுத்த வேண்டாம் என்பதே எமது வேண்டுகோள்.

பாவாணர் எழுதிய திராவிட மறுப்பு கட்டுரைகள் படிக்க:

திராவிடம் என்பதே தீது
https://tamilthesiyan.wordpress.com/…/%E0%AE%A4%E0%AE%BF%E…/

தமிழ் வேறு! திராவிடம் வேறு
https://tamilthesiyan.wordpress.com/…/பாவாணர்-நினைவு-நாள்-1…

திராவிடம், திராவிடன், திராவிட நாடு சொற்களை அறவே ஒழிக்க வேண்டும்!
https://tamilthesiyan.wordpress.com/…/திராவிடம்-திராவிடன்-த…

தலைமைச் செயலகம்,
தமிழ்த்தேசியப் பேரியக்கம்

பேச: 7667077075, 9443918095
முகநூல் : www.fb.com/tamizhdesiyam
ஊடகம் : www.kannottam.com
இணையம் : www.tamizhdesiyam.com
சுட்டுரை : www.twitter.com/Tamizhdesiyam
காணொலிகள் : youtube.com/Tamizhdesiyam

Thursday, September 26, 2019

காசுமீரில் உடனடியாக பொது வாக்கெடுப்பு நடத்துக! புதுதில்லியில் சீக்கியர் - தமிழர் பேரணிக்குப் பின் ஐ.நா. அலுவலகத்தில் தலைவர்கள் கோரிக்கை!

காசுமீரில் உடனடியாக பொது வாக்கெடுப்பு நடத்துக! புதுதில்லியில் சீக்கியர் - தமிழர் பேரணிக்குப் பின் ஐ.நா. அலுவலகத்தில் தலைவர்கள் கோரிக்கை!

காசுமீரி தேசிய இன மக்களின் உரிமைகளை ஆதரித்து சீக்கியர்களும் தமிழர்களும் இணைந்து இன்று (26.09.2019) காலை புதுதில்லியில் நடத்தத் திட்டமிருந்த பேரணி மற்றும் பொதுக்கூட்டத்திற்கு தில்லி காவல்துறை கடைசி நிமிடத்தில் அனுமதி மறுத்தது.

இத்தடையை மீறுவது என்று முடிவு செய்த நிகழ்ச்சிக் குழுவினர் அகாலி தளம் (அமிர்தசரஸ்) தலைவர் திரு. சிம்ரஞ்சித் சிங் மாண் தலைமையில் சீக்கியர் கோயிலிருந்து பேரணியாகப் புறப்பட்டு நடுவண் தலைமைச் செயலகம் நோக்கிச் சென்றனர்.

ஐநூறுக்கும் மேற்பட்ட சீக்கியர்களும், தில்லி பகுதி நாம் தமிழர் கட்சித் தோழர்கள் ஏறத்தாழ நூற்றுக்கும் மேற்பட்டோரும் பங்கேற்ற இந்த எழுச்சிப் பேரணி, நடுவண் தலைமைச் செயலகத்திற்கு சற்று முன்னால் தடுத்து நிறுத்தப்பட்டது.
இப்பேரணியில், “தல் கல்சா” தில்லி தலைவர் திரு. கிரிப்பால் சிங் சீமா, நாம் தமிழர் கட்சித் தலைமை ஒருங்கிணைப்பாளர் திரு. செந்தமிழன் சீமான், தமிழ்த்தேசியப் பேரியக்கப் பொதுச்செயலாளர் தோழர் கி. வெங்கட்ராமன், தில்லி மனித உரிமை அமைப்புத் தலைவர் திரு. ஜக்மோகன், காசுமீர் மனித உரிமைச் செயல்பாட்டாளர் பேராசிரியர் எஸ்.ஏ.ஆர். கிலானி, நாம் தமிழர் கட்சி தில்லி பொறுப்பாளர்கள் தோழர்கள் செந்தில், செகதீசன் உள்ளிட்டோர் பங்கேற்றனர்.

சமூகத்திற்கான மாணவர்கள் (Students for Society), பஞ்சாப் சீக்கிய இளைஞர்கள் (Sikh Youth of Punjab), அரசியல் சிறைவாசிகள் விடுதலைக் குழு (Committee for the Release of Political Prisoners) உள்ளிட்ட பல்வேறு அமைப்புகளின் தலைவர்களும், பஞ்சாப் பல்கலைக்கழக மாணவர் அமைப்பினரும், காசுமீரி – நாகாலாந்து தேசிய இன மாணவர்களும் பேரணியில் பங்கு கொண்டனர்.

பிற்பகலில் பேரணியின் முடிவில், தில்லியிலுள்ள ஐ.நா. தகவல் தொடர்பு நடுவத்தில் ஐ.நா. தலைமைச் செயலாளருக்கான மனு அளிக்கப்பட்டது. இதிலும், இந்திய அரசின் அற்பத்தனமான தலையீடு இருந்தது.

முதலில், ஆறு பிரதிநிதிகள் நேரில் வந்து சந்திக்கலாம் என்று அனுமதித்த ஐ.நா. தகவல் நடுவம், திடீரென்று பூட்டப்பட்டிருந்த அலுவலக வாசலுக்கு வெளியில் மனுவைப் பெற்றுக் கொள்ள கீழ்நிலை அலுவலர் ஒருவரை அனுப்பியது.
இதை ஏற்க மறுத்து, நிகழ்ச்சி ஒருங்கிணைப்பாளர் திரு. ஜக்மோகன், கடுமையாக வாதிட்டார். பேராளர் குழுவை உள்ளே அனுமதிக்கவில்லையென்றால், எல்லோரும் அலுவலக வாயிலிலேயே அமர்ந்து மறியல் செய்வோம் என்று அறிவித்தார். அதன்பிறகு, ஐந்து பேரை அனுமதிப்பது என்று ஏற்றுக் கொண்டார்கள்.

திரு. சிம்ரஞ்சித் சிங் மாண் தலைமையில், “தல் கல்சா” தில்லி தலைவர் திரு. கிரிப்பால் சிங் சீமா, நாம் தமிழர் கட்சித் தலைவர் திரு. சீமான், தமிழ்த்தேசியப் பேரியக்கப் பொதுச்செயலாளர் தோழர் கி. வெங்கட்ராமன், காசுமீர் மனித உரிமைச் செயல்பாட்டாளர் பேராசிரியர் எஸ்.ஏ.ஆர். கிலானி ஆகியோர் சென்று ஐ.நா. தலைமைச் செயலாளருக்கான மனுவை தில்லி – ஐ.நா. தகவல் நடுவத் தலைமை அதிகாரி திரு. இராஜீவ் சந்திரசேகரிடம் அளித்து மனு குறித்து விளக்கமளித்தனர்.

ஐ.நா. மன்றத்தில் 1948இல் இந்திய அரசு ஏற்றுக்கொண்ட அடிப்படையில், காசுமீரி மக்களிடையே அவர்களது அரசியல் எதிர்காலம் குறித்து கருத்து வாக்கெடுப்பு (Plebiscite) நடத்த வேண்டுமென்று திரு. சிம்ரஞ்சித் சிங் மாண் எடுத்துரைத்தார்.
அதற்கு மறுப்பு விளக்கமளித்த திரு. இராஜீவ் சந்திரசேகர், “1972இல் இந்தியாவுக்கும் பாக்கித்தானுக்கும் இடையில் கையெழுத்தான சிம்லா ஒப்பந்தத்தின் அடிப்படையில்தான், இரு நாடுகளும் பேச வேண்டும்” என்றார். இதற்கு மறுப்புத் தெரிவித்த திரு. சிம்ரஞ்சித் சிங் மாண், “வங்கதேச விடுதலையில் இந்தியா நேரடியாகத் தலையிட்டு அந்நாடு விடுதலை பெற்றபிறகு, படை வகையிலும் - பொருளியல் வகையிலும் - அரசியல் முனையிலும் பாக்கித்தான் பலவீனப்பட்டிருந்த நேரத்தில் செய்து கொள்ளப்பட்ட சிம்லா ஒப்பந்தம் சமநிலையில் செய்யப்பட்ட ஒப்பந்தம் அல்ல. வார்சா ஒப்பந்தம் போல திணிக்கப்பட்ட ஒப்பந்தம்! வார்சா ஒப்பந்தத்திற்குப் பிறகு செர்மனி, பேராயுதங்களைப் பயன்படுத்தத் தொடங்கியது. இதேநிலைதான், சிம்லா ஒப்பந்தத்திலும் இருக்கிறது” என்றார்.

அப்பொழுது குறுக்கிட்டுப் பேசிய தோழர் கி. வெங்கட்ராமன், “இப்பிரச்சினையின் அடிப்படையான காசுமீரிகளையே ஈடுபடுத்தாமல், அவர்கள் கருத்து என்ன என்று கேட்காமல் இரண்டு ஆக்கிரமிப்பாளர்களான இந்தியாவும் பாக்கித்தானும் செய்து கொண்ட ஒப்பந்தம் எப்படி சர்வதேச நீதி வழங்கும்? ஐ.நா. பறைசாற்றல்கள் (Charters) கூறும் தேசிய இனங்களின் தன்னுரிமை (Right to Self Determination of Nationalities) என்ற அடிப்படையில்தான் ஐ.நா. மன்றம் இச்சிக்கலுக்குத் தீர்வு காண வேண்டும் என்பதுதான் எங்கள் மனுவில் கூறப்பட்டுள்ள செய்தி! உடனடியாக அங்கு நிலவும் நெஞ்சை நெறிக்கும் மனித உரிமை மீறல்களை முடிவுக்குக் கொண்டு வர – சிறைபட்டுக் கிடக்கிற தலைவர்களையும், இளைஞர்களையும், குழந்தைகளையும் விடுதலை செய்ய – ஊடக சுதந்திரத்தை மீட்க – ஐ.நா. மன்றம் தலையிட வேண்டும் என்பதுதான் எங்கள் உடனடிக் கோரிக்கை” என்று விளக்கினார்.

“நாளை (2019 செப்டம்பர் 27), ஐ.நா. பொது அவை கூடுவதால் இன்று (26.09.2019) மாலையே ஐ.நா. தலைமைச் செயலாளருக்கு உங்களுடைய மனு அனுப்பி வைக்கப்படும்” என்று திரு. இராஜீவ் உறுதியளித்தார். “நீங்கள் விளக்கிச் சொன்ன உணர்வுகளையும் ஐ.நா. தலைமையகத்துக்கு தெரிவிப்பேன்” என்று உறுதியளித்தார்.

பல்வேறு வெளிநாட்டு – உள்நாட்டு ஊடகங்கள் இப்பேரணியில் பங்கேற்ற தலைவர்களிடம் நேர்காணல் எடுத்தார்கள். அவற்றுள் அல் ஜசீரா, பி.பி.சி. ஆகிய ஆங்கில ஊடகங்களுக்கு தோழர் கி.வெ. அளித்த நேர்காணல் அதே ஆங்கில வடிவத்தில் சுருக்கமாகத் தரப்படுகிறது.

“Under the enforced silence Jammu and Kashmir is bleeding! The traditional homeland of Kashmiris has been dismembered by the Aryan – Indian Imperial power. Entire Jammu and Kashmir is turned into Concentration camp. Pro freedom leadership of Kashmir is under detention. The Pro Indian leadership is under preventive detention.

Under the banet of Occupied Indian Army, Article 370 and Article 35A of the Indian Constitution were abrogated. The Indian ruling establishment and their camp followers are rejoicing that Jammu and Kashmir is brought into constitutional mainstream. But, the very fundamental rights guaranteed under the Indian constitution is denied to the Kashmiri brethren.

Jammu and Kashmir is turned into one of the worst militarized zones of the world. All the big powers which preach democracy, human rights and peace refuse to see this glaring reality. After a prolonged open genocide, a well planned structural genocide is taking place in Jammu and Kashmir.

More than anybody else we the Tamil People can feel the pain and agony of our Kashmiri brethren. Because our Tamil People of Eelam in Sri Lanka faced similar genocide by the Sinhala Srilankan Army with the active help of Indian Aryan establishment. We lost our Tamil People in all ages to the Genocidal war in 2008 – 2009.

It all happened right at the presence of UNO and other International Human Rights Organizations. Nobody came to their rescue. Even now Structural Genocide is continuing in Sri Lanka against the Tamil People.

Even before that, for the “sin” of defending our great National Language Thamizh – against the imposition of Hindi we lost nearly 400 young people at the hands of Indian Army in 1965.

Day in and Day out we are loosing great many Tamil fisher folk at the hands of Sri Lankan Navy with the active connivance of Indian Government, just because we could not stop snatching of our Katchatheevu, a strategic part of our Tamil homeland in 1974.

In India for a long time the blatant lie that “India is a Nation” is continuously propagated. But, the political and legal reality is that India is not a Nation. It is a Territory ruled by one government.

India, as such is not a traditional homeland for any nationality including Hindi speaking people. Union of India is not a product of any compact. Even the constitution is not defining India as a Nation. It says “India, that is Bharat shall be a Union of States”.

So, defining India as “One Nation” and the Slogan of “One Nation – One Constitution” is out and out a blatant lie – Aryan brand of lie!

There is no difference between Bharathiya Janata Party and the Congress Party in Propagating this Aryan lie. Because BJP and Congress are “identical twins” – that too Aryan twins!

India is a unitary entity with some federal features. Various linguistic nationalities having different traditions are in the Union of India. The traditional homelands of various nationalities were made linguistic states – wrongly meaning provinces.

The Constituent units of various linguistic national states are not having similar or same relationship with the Union of India. Various Articles of the Indian constitution viz, 371, 371-A, 371-B, 371-C, 371-D, 371-E, 371-F, 371-G, 371-H, 371-I, 371-J recognizes different type of special rights to the States of Maharashtra and Gujarat, Nagaland, Assam, Manipur, Telangana, Sikkim, Mizoram, Arunachal Pradesh, Goa and Karnataka – Hyderabad region respectively.

Of all these, Jammu and Kashmir and its Article 370 have a different story. Jammu and Kashmir, on its own will, joined Indian Union under a specific instrument. The “Instrument of Accession” signed between Maharaja Hari singh and Mount Batten dated October 26 – 1947 was for a specific form of temporary relationship with the Union of India under a specific condition. Through this Instrument Kashmiris shared their Sovereignty with India.

It is Jammu and Kashmir which shared some of its Sovereign rights with India, that too for a temporary period, but not the other way round. Until then British India have no sovereignty over Jammu and Kashmir. So it is not India which gave some sovereign powers to Jammu and Kashmir.

When the Constitution of India was drafted this Instrument of Accession gave birth to Article 370. It is an Historical fact that without India agreeing for a separate constitution, a separate flag and other distinct identities to Jammu and Kashmir, Kashmiris joining Indian Union would not have materialized.

In arriving the contents of the Instrument of Accession and drafting of Article 370 (Originally 306A) both Jawaharlal Nehru and Vallabhai Patel were in total agreement. Then Home Minister Vallabhai Patel who used brute force in bringing in various princely states within the Indian Union agreed for Article 370 appreciating the different historical context.

The Propaganda of BJP that ‘Nehru was wrong, Patel was right’ is clear lie!

All through these 70 years of History of Independent India, Jammu and Kashmir had slowly lost its special rights. In abrogating these special powers of Jammu and Kashmir and making mockery of democracy and turning the State into a militarized zone both the Congress party and BJP played their part.

Now, Narendra Modi’s BJP Government gave the final blow – dismembering the Kashmiri homeland into Union territories.

Kashmir, Tamilnadu, Punjab, Nagaland, Mizoram, Arunachal Pradesh, Manipur, Assam, West Bengal and other states are not mere administrative areas but traditional homelands for various nationalities. But, on the contrary, India is an Administrative Territory.

But RSS and BJP which propagate ‘Akand Bharat’ by which want to establish and unquestioned Aryan India, try to dismantle linguistic national states into various administrative units. Jammu and Kashmir is the beginning of that draconian march!

What happened to Jammu and Kashmir today may happen to Tamilnadu or Punjab or other states tomorrow. Definitely this Aryan fascist march cannot be done by peaceful means. In doing so India will be transformed into a Security State.

To Subjugate Jammu and Kashmir, State Terrorism is unleashed ruthlessly. When making Jammu and Kashmir a militarized zone, lakhs of Millitary personnels drawn from various nationalities were deployed there.

For India’s occupation over Kashmir, not only lakhs of Kashmiri people but thousands of Millitary people are loosing their lives. The Tax money collected from various states particularly Tamilnadu, Karnataka, Maharashtra which are contributing more to the exchequer is drained for this occupation. Tamilnadu is contributing nearly one third to the kity.

A Pseudo – patriotic frenzy is whipped up among the Hindi heartland people. A Number of innocent Hindi people celebrate the abrogation of 370 and 35A as though it is their Hindi – India’s victory over defiant Muslim Kashmir.

But all through these period what the Hindi people in Uttarpradesh, Madhya pradesh and other hindi states gained is nothing! Compared to other linguistic national states these hindi people are living in absolute poverty and unemployment.

The poor people from Hindi heartland are migrating to Tamilnadu in search of jobs for lower wages and in human working conditions. There is nothing that they can get from Uttar Pradesh or other Hindi areas. In this process they are under cutting the existing working conditions in Tamilnadu and pose a great threat for the Employment opportunity of our Tamil people.

Behind the smoke of this Aryan – Hindi frenzy the Modi Government is diverting our resources to militarization of various regions of India. Result is that all out Stagnation and economic rescission.

So, it is only the Aryan rulers and some elites who will gain by this ‘Akand Bharat’ programme including the occupation of Jammu and Kashmir.

But, the entire ruling elites not only from BJP but from other political parties supported this draconian move.

What Mr. P. Chidambaram and Gulam Nabi Azad spoke in the Parliament was not the official stand of Congress party. Mrs. Sonia Gandhi and Mr. Rahul Gandhi did not oppose abrogation of 370 at the floor of the house. Instead the Congress working committee condemned only the process of abrogation of Article 370 and 35A, but not the very act of this abrogation. Nearly half of the MPs of Congress party sided with the BJP.

AIADMK openly supported this draconian amendment while the DMK lamented against not consulting the J&K Assembly. But, a good number of Tamil people stood in solidarity with Kashmiris. My Organization – Thamizh Thesiya Periyakkam (Tamil National Movement) participated in an All Party demonstration condemning the abrogation of 370 and dismemberment of Jammu and Kashmir, on the very next day – 06.08.2019.

The Very process of this abrogation of 370 and dismantling the Jammu and Kashmir into centrally administered territories is in itself a constitutional coup.

By adding a new sub clause to Article 367 clandestinely through a presidential order (C.O. 272) the Government of India unconstitutionally empowered itself to effectively abrogate the Article 370 and 35A.

The Entire process was a clear conspiracy. The ruling establishment in Delhi definitely know that even a rank stooge will not agree for outright abrogation of Article 370. So, the BJP first moved out of the Alliance with the Mehbooba Mufti’s PDP. The Government lost majority. As per Article 356 president rule was promulgated.

PDP and National Conference and other political parties of the State smelt the move and reluctantly came together. There was a possibility a new alliance to form a government claiming the Majority in J&K Assembly floor. Immediately the Assembly of J&K was dissolved.

In the Parliament, the BJP under Modi – Amitsha came back with additional majority in 2019 elections.

Now, the path for the draconian move was clear. The “Yes man” Mr. Sathya Pal Malik, the Governor of J&K was ready for any unconstitutional act to dismember Jammu and Kashmir.

Modi – Amitsha combine moved swiftly. First, as mentioned above Article 367 was amended by inserting Sub clause 4. Through this a backdoor was opened in Article 370 (3). Using that backdoor, Article 370 was effectively abrogated. Article 35A Nullified. Even then the Delhi Aryan establishment feared that in the future J&K Assembly may come out with a resoultion against this abrogration. So, very existence of Jammu and Kashmir as a State was closed.

Two Union territories, One with an Assembly, another without assembly were carved out.

Even to the astonishment of the BJP Leadership, the Parliament gave a overwhelming majority to this Unconstitutional move.

Even the parties who opposed the abrogation of Article 370 and dismemberment of Kashmiri homeland, are only questioning the process and against the lockdown.

No doubt that the immediate concern is lifting the lockdown, releasing the political prisoners and young people and children from their detention, restoring media freedom and bringing back normalcy.

But, Kashmir issue is not a Civil rights issue! It is basically a National question. As per the UN Charter, All the Nationalities have inalienable right to Self determination. It is a natural birth right of every nationality as right to life is for every individual. Kashmiris are “A People” having this birth right of Self determination.

The Question of right to Self determination is the Central issue of Kashmir Problem. Without assuring the Right to Self determination for the Kashmiri people, there will not be enduring peace or end to militarization.

Kashmir issue is not a bilateral issue between India and Pakistan. Both India and Pakistan are Occupiers of Kashmiri homeland. It is basically an issue of Kashmiri people which is to be settled with the help of the International community.

In this crucial juncture, the UN and other International bodies failed in their responsibilities.

Making the Kashmiri people leaderless will pave the way for further militarization of not only Jammu and Kashmir but the entire region. India turning into a security state is a threat to every Indian citizens. Immediate brunt will be on Punjab, Haryana and nearby states.

We the Tamil people clearly understand that to Stand with Kashmiri people is not only our humanitarian duty but it is also a pro active duty to defend our traditional homeland – Tamilnadu from future dismemberment and to protect our fundamental rights.

On behalf of our enlightened Tamil people who are aware of Nationality rights, Our Organization – Thamizh Thesiya Periyakkam (Tamil National Movement) firmly stands with Kashmiris.

On behalf of my organization, I appeal to all Kashmiris and other people who are in solidarity with Kashmiris not to loose heart. In this difficult hour we will closely march together.

We can definitely break this deadly silence of our fellow Indian citizens and International community.

“We shall overcome!”

போராட்டக் காணொலி
https://www.facebook.com/tamizhdesiyam/videos/735732656874776

#KashmirNeedsAttention
#WeAreTheVoiceOfKashmir

தலைமைச் செயலகம்,
தமிழ்த்தேசியப் பேரியக்கம்

பேச: 7667077075, 9443918095
முகநூல் : www.fb.com/tamizhdesiyam
ஊடகம் : www.kannottam.com
இணையம் : www.tamizhdesiyam.com
சுட்டுரை : www.twitter.com/Tamizhdesiyam
காணொலிகள் : youtube.com/Tamizhdesiyam
=====================================

Wednesday, September 25, 2019

தமிழ் தெரியாத வங்கி மேலாளரை மாற்றுக! செங்கிப்பட்டியில் தமிழ்த்தேசியப் பேரியக்கம் போராட்டம்!

தமிழ் தெரியாத வங்கி மேலாளரை மாற்றுக! செங்கிப்பட்டியில் தமிழ்த்தேசியப் பேரியக்கம் போராட்டம்!
தஞ்சை மாவட்டம் - செங்கிப்பட்டியில் செயல்பட்டு வரும் இந்தியன் ஓவர்சீஸ் வங்கியில் மேலாளராகப் பணியமர்த்தப்பட்டுள்ள தமிழ் தெரியாத வடநாட்டுக்காரரை உடனே மாற்ற வேண்டுமெனக் கோரி, இன்று (25.09.2019) செங்கிப்பட்டியில் தமிழ்த்தேசியப் பேரியக்கம் சார்பில் போராட்டம் முன்னெடுக்கப்பட்டது.

இலட்சக்கணக்கான தமிழ் இளைஞர்கள் தமிழ்நாட்டில் வேலையின்றி தவித்துக் கொண்டிருக்கும் நிலையில், வங்கி - அஞ்சலகம் உள்ளிட்ட அனைத்து இந்திய அரசுப் பணிகளிலும் தமிழே தெரியாத இந்திக்காரர்களை பணியமர்த்தி வரும் இந்திய அரசின் தமிழின விரோதப் போக்கிற்கு எதிராக முழக்கங்கள் எழுப்பப்பட்டன.
போராட்டத்திற்கு, தமிழ்த்தேசியப் பேரியக்க பூதலூர் ஒன்றியச் செயலாயர் தோழர் பி. தென்னவன் தலைமை தாங்கினார். தமிழ்த்தேசியப் பேரியக்கத் தஞ்சை மாவட்டச் செயலாளர் தோழர் நா. வைகறை, தலைமைச் செயற்குழு தோழர் பழ. இராசேந்திரன், மாவட்டச் செயற்குழு தோழர் ரெ. கருணாநிதி, திருச்சி மாநகரச் செயலாளர் தோழர் இலெட்சுமணன், நாம் தமிழர் கட்சி பூதலூர் ஒன்றியச் செயலாளர் திரு. அற்புதராஜ் உள்ளிட்டோர் கண்டன உரையாற்றினார். நிறைவில், தோழர் ச. செந்தமிழன் நன்றி கூறினார். நிகழ்வில், திரளான தமிழின உணர்வாளர்களும் பேரியக்கத் தோழர்களும் பங்கேற்றனர்.
தலைமைச் செயலகம்,
தமிழ்த்தேசியப் பேரியக்கம்


பேச: 7667077075, 9443918095
முகநூல் : www.fb.com/tamizhdesiyam
ஊடகம் : www.kannottam.com
இணையம் : www.tamizhdesiyam.com
சுட்டுரை : www.twitter.com/Tamizhdesiyam
காணொலிகள் : youtube.com/Tamizhdesiyam

புதுதில்லியில் காசுமீர் உரிமைக்காக நடக்கும் ஒன்று கூடலில் ஐயா கி. வெங்கட்ராமன் பங்கேற்பு!

புதுதில்லியில் காசுமீர் உரிமைக்காக நடக்கும் ஒன்று கூடலில் ஐயா கி. வெங்கட்ராமன் பங்கேற்பு!

காசுமீரி தேசிய இனத் தாயகமான காசுமீரை சிதைத்து, காசுமீர் மக்களை அவர்களது சொந்த தாயகத்திலேயே இந்திய இராணுவத்தின் மூலம் சிறைபிடித்து வைத்துள்ள இந்திய அரசைக் கண்டித்து நாளை - 2019 செப்டம்பர் 26 அன்று புதுதில்லியில் நடைபெறும் ஒன்றுகூடலில் தமிழ்த்தேசியப் பேரியக்கப் பொதுச்செயலாளர் தோழர் கி. வெங்கட்ராமன் பங்கேற்கிறார்.

வரும் 2019 செப்டம்பர் 27 அன்று, வட அமெரிக்கத் தலைநகர் நியூயார்க்கிலுள்ள ஐ.நா. பொது அவையில் இந்தியத் தலைமையமைச்சர் நரேந்திர மோடி பங்கேற்கவுள்ள நிலையில், அதன் வாயிலில் அமெரிக்காவில் வாழும் சீக்கிய, தமிழ் மற்றும் காசுமீரி மக்கள் போராட்டம் நடத்துகின்றனர். இதற்கு ஆதரவாக, புதுதில்லியில் செப்டம்பர் 26 அன்று காசுமீரி மக்களுக்கு நீதி கேட்டு இந்த ஒன்றுகூடல் நிகழ்வு ஒருங்கிணைக்கப்பட்டுள்ளது.

சீக்கியர்களின் உரிமைக்காகப் போராடி வரும் “தல் கல்சா”, “சிரோன்மணி அகாலி தளம்” (அமிர்தசரஸ்), நாம் தமிழர் கட்சி உள்ளிட்ட பல்வேறு அமைப்புகள் கூட்டாக ஒருங்கிணைக்கும் இந்நிகழ்வு, நாளை (26.09.2019) காலை 10 மணிக்கு புதுதில்லியிலுள்ள ஜந்தர் மந்திரில் பேரணி மற்றும் பொதுக்கூட்டமாக நடைபெறுகின்றது.

அகாலி தளம் (அமிர்தசரஸ்) தலைவர் திரு. சிம்ரஞ்சித் சிங் மாண், காசுமீர் மனித உரிமைச் செயல்பாட்டாளர் பேராசிரியர் எஸ்.ஏ.ஆர். கிலானி மற்றும் ஒருங்கிணைந்த அகாலி தளம் (United Akali Dal - UAD), சமூகத்திற்கான மாணவர்கள் (Students for Society), பஞ்சாப் சீக்கிய இளைஞர்கள் (Sikh Youth of Punjab), அரசியல் சிறைவாசிகள் விடுதலைக் குழு (Committee for the Release of Political Prisoners) உள்ளிட்ட பல்வேறு அமைப்புகளின் தலைவர்களும், தோழர்களும் நிகழ்வில் பங்கெடுக்கின்றனர்.

தமிழ்நாட்டிலிருந்து நாம் தமிழர் கட்சித் தலைமை ஒருங்கிணைப்பாளர் திரு. செந்தமிழன் சீமான், தமிழ்த்தேசியப் பேரியக்கப் பொதுச்செயலாளர் தோழர் கி. வெங்கட்ராமன் ஆகியோர் பங்கேற்று உரையாற்றுகின்றனர்.

நிகழ்வில், புதுதில்லி வாழ் தமிழர்களும், தமிழின உணர்வாளர்களும் திரளாகப் பங்கேற்று காசுமீரி மக்களுக்காகக் குரல் கொடுக்க வருமாறு அன்புரிமையுடன் அழைக்கின்றோம்!

தலைமைச் செயலகம்,
தமிழ்த்தேசியப் பேரியக்கம்

பேச: 7667077075, 9443918095
முகநூல் : www.fb.com/tamizhdesiyam
ஊடகம் : www.kannottam.com
இணையம் : www.tamizhdesiyam.com
சுட்டுரை : www.twitter.com/Tamizhdesiyam
காணொலிகள் : youtube.com/Tamizhdesiyam

Tuesday, September 24, 2019

“அன்பே சிவம் என்றால் – இனி ஆர்.எஸ்.எஸ். பரிவாரங்கள் அடிப்பார்கள்!” ஐயா பெ. மணியரசன் உரை!

“அன்பே சிவம் என்றால் – இனி ஆர்.எஸ்.எஸ். பரிவாரங்கள் அடிப்பார்கள்!” 
சத்தியவேல் முருகனார் பவள விழாவில் தமிழ்த்தேசியப் பேரியக்கத் தலைவர் 
ஐயா பெ. மணியரசன் உரை!

தமிழ்த்தேசிய ஆன்மிகச் சான்றோர் ஐயா மு.பெ. சத்தியவேல் முருகனார் அவர்களின் 70ஆம் அகவை நிறைவு பெற்று – 71ஆம் அகவைத் தொடங்கும் நாளான 21.09.2019 காரி (சனி)க் கிழமை பிற்பகல் 2.30 மணியிலிருந்து இரவு 9.30 மணி வரை பவள விழா சீரும் சிறப்புமாக சென்னை காமராசர் அரங்கத்தில் நடைபெற்றது. அவ்விழாவில் பங்கேற்று தமிழ்த்தேசியப் பேரியக்கத் தலைவர் ஐயா பெ. மணியரசன் அவர்கள் ஆற்றிய உரையின் எழுத்து வடிவம் :
“தமிழர் ஆன்மிகத்திற்கும் தமிழ் வழிபாட்டிற்கும் தம்மை ஒப்படைத்துக் கொண்ட ஐயா சத்தியவேல் முருகனார் அவர்களுக்கும், அவர்களின் இல்லத்தரசியார் அம்மா மல்லிகா அவர்கட்கும் அவர்கள் மகன் திருச்சுடர் நம்பி அவர்கட்கும், மகள் அருட்செல்வி அவர்கட்கும் இந்த பவள விழா நாளில் நெஞ்சு நிறைந்த வாழ்த்துகளைத் தெரிவித்துக் கொள்கிறேன்.

சத்தியவேல் முருகனார் பற்றி எனக்கு 2002-ஆம் ஆண்டுதான் தெரிய வந்தது. அப்போது கரூர் அருகே திருமுக்கூடலூரில் உள்ள திருமுத்தீசுவரர் கோயில் குடமுழுக்கை ஆன்மிகத் தமிழ்ப் பெரியவர்களைக் கொண்டு தமிழ்வழியில் தமிழின உணர்வாளர்களும், தமிழ் ஆன்மிகர்களும் நடத்தி விட்டனர். பிராமணர்களும், அவர்களின் ஆதிக்கவாத ஆன்மிகத்திற்குப் பலியான தமிழர்களும் வானம் இடிந்து விழுந்ததைப் போல் அலறி ஆர்ப்பரித்துக் கண்டன முழக்கம் எழுப்பினார்கள்.

தமிழினத்தைச் சேர்ந்த தருமபுரம் ஆதின கர்த்தரும் திருப்பனந்தாள் ஆதினகர்த்தரும் கண்டனம் தெரிவித்தனர். பிராமணர்களைக் கொண்டு மறுபடி அக்கோயில் கோபுரத்திலும் உட்புறமும் தண்ணீர் விட்டுக் கழுவி “தீட்டுக்” கழித்தார்கள்.

இதற்கெல்லாம் அவர்கள் சொன்ன காரணம், ஆகமப்படி பிராமணர்கள்தாம் அர்ச்சனை செய்ய வேண்டும்; குடமுழுக்கு நடத்த வேண்டும்; அதுவும் சமற்கிருத மந்திரங்களை ஓதித்தான் வழிபாடு செய்ய வேண்டும் என்பதுதான்! பிராமணரல்லாதோர் குடமுழுக்கு செய்யக் கூடாது; தமிழில் அர்ச்சனை செய்யக் கூடாது; அபச்சாரம்; அபச்சாரம் என்றார்கள்.

அந்தக் கூச்சல்களுக்கிடையே, ஒரு குரல் எழுந்தது. “எந்த ஆகமத்தில் அப்படி இருக்கிறது? எடுத்துக் காட்டுங்கள்! இருபத்தெட்டு ஆகமங்களில் எதில் இரு இருக்கிறது? ஆகமங்களைப் படித்தவன் நான். ஒரு ஆகமத்திலும் சாதி வேறுபாடு கூறப்படவில்லை. தமிழில் அர்ச்சனை செய்யக் கூடாது என்று எந்த ஆகமத்திலும் கூறப்படவில்லை. ஆகம விதிப்படி பார்த்தால் பிராமணர்கள் அர்ச்சகர்களாக இருக்கக் கூடாது. கட்டி எழுப்பப்பட்ட கோயில் வழிபாட்டை ஏற்காத பிராமணர்கள் ஸ்மார்த்தர்கள். ஆகமப்படி அவர்கள் கோயிலின் கொடிக் கம்பத்தைத் தாண்டி கோயிலுக்குள் நுழையக் கூடாது” என்று குரல் எழுப்பியவர் ஐயா சத்தியவேல் முருகனார். தமிழ்நாடே அதிர்ந்தது! அப்போதுதான் ஐயா அவர்களைப் பற்றி விசாரித்துத் தெரிந்து கொண்டேன்.

அப்போது, செயலலிதா அம்மையார் முதலமைச்சர். அவர் காஞ்சி சங்கராச்சாரியார் செயேந்திர சரசுவதி தலைமையில் இதுபற்றி ஆன்மிகப் பெரியவர்கள் கலந்து பேசி முடிவெடுக்க ஒரு கூட்டத்திற்கு ஏற்பாடு செய்தார். அக்கூட்டம் மயிலாடுதுறை தருமபுரம் ஆதினத்தில் நடந்தது. அந்தக் கூட்டத்தில், ஒற்றைக் குரலாக – தமிழில் வழிபாடு நடத்த – தமிழ் அர்ச்சகராகச் செயல்புரிய எந்த ஆகமும் தடை விதிக்கவில்லை என்று எடுத்துக்காட்டுகளோடு வாதிட்டார் சத்தியவேல் முருகனார்.

சத்தியவேல் முருகனார் மீது வழக்கு

ஆகமப்படி அமைக்கப்பட்ட கோயில்களில் தமிழில் குடமுழுக்கு நடத்தவும், வழிபாடு நடத்தவும் சத்தியவேல் முருகனார்க்குத் தடை விதிக்க வேண்டும் என்று கோரி – தருமபுரம் ஆதினகர்த்தரும், திருப்பனந்தாள் ஆதினகர்த்தரும் சென்னை உயர் நீதிமன்றத்தில் வழக்குப் போட்டார்கள்.

அப்போது தஞ்சை மாவட்டத்தில் உள்ள நாங்கள் – பல்வேறு அமைப்புகளைச் சேர்ந்த தமிழின உணர்வாளர்கள் – ஒன்றுகூடி திருப்பனந்தாள் மடாதிபதியைக் கண்டித்து – அந்த மடத்தைச் சுற்றி வந்து – அதன் வாசலிலும் நின்று முழக்கமிட்டு, கண்டனப் பேரணி நடத்தினோம். பேரணி முடிவில் கண்டனப் பொதுக் கூட்டமும் நடத்தினோம்.

இதை அறிந்த சத்தியவேல் முருகனார் அவர்கள் என் மீது அன்பு செலுத்திப் பாராட்டினார்கள்.

சிதம்பரம் கோயில், தீட்சிதர்கள் சொத்தா?

தமிழ்ப் பேரரசர்களும் தமிழ் அறச் சிந்தனையாளர்களும் எழுப்பிய சிதம்பரம் நடராசர் கோயிலை ஆக்கிரமித்துக் கொண்டுள்ள தீட்சிதர்களைக் கோயில் நிர்வாகத்திலிருந்து வெளியேற்றி அக்கோயிலை தமிழ்நாடு அரசு இந்து அறநிலையத்துறையிடம் ஒப்படைக்க வேண்டும் என்ற கோரிக்கை வலுவாக எழுந்தது. அப்போது, தி.மு.க. ஆட்சி நடந்தது. அறநிலையத்துறைக்குப் பொறுப்பாக இருந்த அதிகாரிகளும், தமிழ் உணர்வாளர்களாக இருந்தார்கள். தில்லைக் கோயிலை அறநிலையத் துறையில் சேர்ப்பதற்குரிய அத்தனை ஞாயங்களையும் சட்ட விதிகளையும் எடுத்து அவர்களிடம் விளக்கினார் சத்தியவேல் முருகனார்.

இதுகுறித்து சென்னை உயர் நீதிமன்றத்தில் வழக்கு நடந்தது. தமிழ்நாடு அரசு வழக்கறிஞர்களுக்கு சட்ட நுணுக்கங்கள் – மரபுகளையும், ஆகம விதிகளையும் தில்லைக் கோயிலின் வரலாற்றுச் செய்திகளையும் விளக்கிச் சொன்னவர் சத்தியவேல் முருகனார். வழக்கில் தமிழ்நாடு அரசுக்கு வெற்றி கிடைத்தது! தில்லை நடராசர் கோயில் நிர்வாகத்தை தமிழ்நாடு அரசின் இந்து அறநிலைய ஆட்சித் துறை ஏற்று நடத்த 2009ஆம் ஆண்டு சென்னை உயர் நீதிமன்றம் தீர்ப்பு வழங்கியது.

ஆனால், ஆரியம் கூக்குரலிட்டது! சுப்பிரமணிய சாமி தலைமையில் தீட்சிதர்கள் உச்ச நீதிமன்றத்தில் மேல் முறையீடு செய்தார்கள். அன்றைக்கு எதிர்க்கட்சித் தலைவராக இருந்த அ.தி.மு.க. தலைவர் செயலலிதாவை தீட்சிதர்கள் நேரில் சந்தித்து முறையிட்டார்கள். அதன் பலனாக, செயலலிதா ஆட்சிக்கு வந்த பிறகு அவ்வழக்கில் தமிழ்நாடு அரசு உச்ச நீதிமன்றத்தில் உரியவாறு வாதிடவில்லை. உச்ச நீதிமன்றம் 2014 சனவரியில் சென்னை உயர் நீதிமன்றத் தீர்ப்பைத் தள்ளுபடி செய்து, கோயிலைத் தீட்சிதர்கள் வசம் ஒப்படைத்தது. நீதிமன்றமாக இருந்தாலும் சென்னைச் சூழலுக்கும் தில்லிச் சூழலுக்கும் வேறுபாடு எப்போதும் உண்டு!

அனைத்துச் சாதியினரும் அர்ச்சகர்

அனைத்து சாதியினரும் அர்ச்சகர் ஆகலாம் என்று தி.மு.க. ஆட்சியில் 2006இல் ஓர் அரசாணை பிறப்பித்தார்கள். அதை எதிர்த்து உச்ச நீதிமன்றத்தில் பிராமண அர்ச்சகர்கள் வழக்குப் போட்டார்கள். இவ்வழக்கில் 2015இல் உச்ச நீதிமன்றம் தீர்ப்பளித்தது.

அனைத்துச் சாதியினரும் அர்ச்சகராகலாம் என்று தீர்ப்பில் கூறியுள்ளார்களா, அவ்வாறு ஆக முடியாது என்று கூறியுள்ளார்களா என்பது பற்றி செய்தி ஊடகங்களில் ஒரே குழப்பம்! தீர்ப்பு வெளியான அன்று இரவு சத்தியம் தொலைக்காட்சியில் இத்தீர்ப்பு பற்றி விவாதம்! என்னையும் அழைத்திருந்தார்கள். தீர்ப்பு பற்றி தெளிவுபடுத்திக் கொள்வதற்காக ஐயா சத்தியவேல் முருகனாரிடம் தொலைப்பேசி வழியாக விளக்கம் கேட்டேன். தெளிவாகச் சொன்னார்கள்.

உச்ச நீதிமன்றத்தில் இவ்வழக்கு நடந்தபோது, அதில் தன்னையும் எதிர்த்தரப்பாக இணைத்துக் கொண்டு தானே உச்ச நீதிமன்றத்தில் கூர்மையாக வாதாடியவர் சத்தியவேல் முருகனார் அவர்கள்.

அர்ச்சகர் பணிக்கு “சாதி” அடிப்படைக் கூறு அல்ல! ஆனால், ஆகமப்படி கட்டப்பட்ட கோயில்களில் அந்தந்த ஆகமதத்தை – சமயப் பிரிவைச் சேர்ந்தவர்களைத்தான் அர்ச்சகராக அரசு அமர்த்த வேண்டும் என்பதே தீர்ப்பு என்றார்கள்.

அதாவது, இந்துக் கோயிலாக இருந்தாலும், அதில் சைவம் – வைணவம் போன்ற பிரிவுகள் மற்றும் ஆகமப் பிரிவுகள் இருக்கின்றன. இவற்றை வகையறாக் கோயில்கள் (Denomintion Temples) என்று வகைப்படுத்துவார்கள். அந்தந்த வகைக் கோயிலில் – அந்தந்த வகை வழிபாடு செய்வோரைத்தான் அர்ச்சகராக அமர்த்த வேண்டும். எடுத்துக்காட்டாக, சைவக் கோயிலில் சைவப் பிரிவைச் சேர்ந்தவரும், வைணவர் கோயிலில் வைணவப் பிரிவைச் சேர்ந்தவரும் அர்ச்சகராய் அமர்த்தப்பட வேண்டும். இதில் என்ன சிக்கல்? ஒன்றுமில்லை! உச்ச நீதிமன்றம் சொல்கின்ற ஆகமக் கோயில்கள் தமிழ்நாட்டில் மிகமிகக் குறைவு என்ற உண்மையையும் சத்தியவேல் முருகனார் சொன்னார்.

மேலும், இத்தீர்ப்பை விளக்கி ஏடுகளில் செவ்வி கொடுத்தார். “டைம்ஸ் ஆப் இந்தியா” ஆங்கில நாளேடு, ஐயா அவர்களின் விரிவான நேர்காணலை ஒரு கட்டுரை போலவே போட்டிருந்தது. தி.க. தலைவர் ஆசிரியர் வீரமணி அவர்கள், அதைத் தமிழாக்கி – பல்லாயிரக்கணக்கில் அச்சிட்டுப் பரப்பினார்.

ஆனால் தங்கள் ஆட்சியில் இந்த அரசாணையை வெளியிட்ட தி.மு.க. ஆடவில்லை; அசையவில்லை! ஏற்கெனவே தமிழ்வழி அர்ச்சகர் பயிற்சி பெற்றுள்ள பல்வேறு சாதிகளைச் சேர்ந்தவர்களை அர்ச்சகர்களாகக் கோயில்களில் பணியமர்த்துமாறு ஆட்சியாளர்களுக்குக் கோரிக்கை வைத்து, பரப்புரை செய்தது தமிழ்த்தேசியப் பேரியக்கம். செயலலிதா ஆட்சி அத்தீர்ப்பைச் செயல்படுத்த மறுத்தது. அதைச் செயல்படுத்துமாறு கலைஞர் கருணாநிதியோ அ.தி.மு.க. அரசை வலியுறுத்த மறுத்தார் கலைஞர் கருணாநிதி.

இந்து மதம் – ஒரு கூட்டு மதம்

இன்று ஆரியத்துவ ஆன்மிக ஆக்கிரமிப்பு தமிழ்நாட்டில் தீவிரமாகி வருகிறது. நாம் இந்து மதத்தை எதிர்க்க வேண்டியதில்லை. இந்து மதத்தை ஆரியப் பிராமணர்கள் உருவாக்கவில்லை. இந்து மதம் என்ற பெயரை 150 ஆண்டுகளுக்கு முன் ஆங்கிலேய ஆட்சிதான் கொடுத்தது. சிந்து நதியை அடையாளமாக வைத்து இந்தியா என்று ஒரு நிர்வாகப் பெயர் கொடுத்ததும், இந்து என்று மதப்பெயர் கொடுத்ததும் வெள்ளையரே!

இந்து என்ற சொல்லில் எந்தக் கெட்ட உட்பொருளும் இல்லை. பல்வேறு சமயப் பிரிவுகளின் தொகுப்புக்குப் பெயர்தான் இந்து மதம்! இந்து மதத்தை உருவாக்கிய தலைமை ஆசான் யாரும் இல்லை! தலைமை குருமார் யாரும் இல்லை. புனிதமான ஒற்றைத் தத்துவ நூல் இல்லை. ஒற்றைக் கடவுள் வழிபாடும் இல்லை. பல கடவுள்களை வழிபடும் மக்கள் இந்து மதத்தில் இருக்கிறார்கள். கடவுளை மறுப்பவர்களும் இந்து மதத்தில் இருக்கிறார்கள். யாரும் ஒருவரை இந்து மதத்திலிருந்து நீக்க முடியாது. தமிழர்களுக்கு எதிரானவை – ஆரிய பிராமணிய வைதீகமும், வர்ணாசிரமமும்தான்!

இந்த ஆரிண பிராமணிய வர்ணாசிரமத்தை எதிர்க்க வேண்டும். இந்து மதத்தை எதிர்க்க வேண்டியதில்லை.

தமிழ்ச் சிவநெறி

தமிழ்ச் சைவம் – இயல்பாகவே ஆரிய – சமற்கிருத – வைதீக – வர்ணாசிரம எதிர்ப்புச் சமயம்தான்! தமிழை முதன்மையாகக் கொண்டது. தமிழ்ச் சைவமும் சரி, தமிழ் வைணவமும் சரி, இரண்டும் சாதி கடந்த மனித ஒற்றுமையைத்தான் வலியுறுத்துகின்றன.

“என்னை நன்றாய் இறைவன் படைத்தனன்
தன்னை நன்றாய் தமிழ் செய்யுமாறே”

என்றார் திருமூலர்! தமிழ்ச் சைவமும், தமிழும் பிரிக்க முடியாதவை!

“திசையனைத்தின் பெருமையெலாம்
தென்திசையே வென்றேற
அசைவில்செழும் தமிழ் வழக்கே
அயல் வழக்கின் துறை வெல்ல”

என்றார் சேக்கிழார். திருநாவுக்கரசர் ஊர் ஊராகச் சென்று சைவம் பரப்பிய செய்தியை “தமிழ்நாடெங்கும் போனார் ஞானத் தலைவர்” என்றார் சேக்கிழார்! சிவபெருமானையும் தமிழ் மொழியையும் இணைத்தே முதன்மைப்படுத்துகிறது தமிழ்ச் சைவம்!

இன்னிசையால் தமிழ் பாடும் ஞான சம்பந்தன் என்று பெருமையாகக் கூறிக் கொண்டவர் திருஞானசம்பந்தர். தென்னாடுடைய சிவனே போற்றி; எந்நாட்டவர்க்கும் இறைவா போற்றி என்றார் மாணிக்கவாசகர். இவர்கள் தமிழைத் தமிழ்நாட்டை முதன்மைப்படுத்தியதால் பிராமணர்கள் திருநாவுக்கரசர், திருஞானசம்பந்தர், சுந்தரர், மாணிக்கவாசகர் என்ற பெயர்களைத் தங்கள் பிள்ளைகளுக்குச் சூட்டுவதில்லை!

தமிழர் மாலியமும் தமிழைத்தான் முதன்மைப்படுத்தியது. பூதத்தாழ்வார் தன்னைப் “பெருந்தமிழன்” என்று கூறிப் பெருமைப்பட்டார். ஆனால், இன்று தமிழ் வைணவம் பிராமண ஆதிக்கத்தின் கீழ் இருப்பதுதான் கொடுமை!

அன்பே சிவம் என்றால் அடி விழும்

இன்று ஆரிய பிராமண ஆதிக்கம் அரசியல் அதிகாரத்தோடு சாட்டையைக் கையில் எடுத்துக் கொண்டு வருகிறது. நீங்கள் தமிழில் “அன்பே சிவம்” என்றும், “நம சிவாய வாழ்க!” என்றும் தெருவில் சொல்ல முடியாத காலம் நெருங்கிக் கொண்டுள்ளது. “அன்பே சிவம்” என்று ஆன்மிகக் குரல் எழுப்பினால் ஆர்.எஸ்.எஸ். பரிவாரங்கள் உங்களை அடிக்கும்! “ஜெய் ஸ்ரீராம் எனச் சொல்; ஜெய் ஹனுமான் சொல்; பாரத் மாத்தா கீ ஜே சொல்” என்று கூறி, அந்தப் பரிவாரங்கள் அடிக்கும்!

அண்மையில் தமிழ்நாட்டில் நடந்த விநாயகர் சதுர்த்தி ஊர்வலங்களில் விநாயகர் அகவல் பாடவில்லை! “ஜெய் ஸ்ரீராம், ஜெய் ஹனுமான், பாரத் மாத்தா கீ ஜே” – முழக்கங்கள்தான் போட்டார்கள்.

“மாலே, மணிவண்ணா! ஆழிமழைக் கண்ணா” என்று தமிழ் வைணவர்கள் தெருவில் பாடினாலும் அடிப்பார்கள். ”ஜெய் ஸ்ரீராம்” சொல்லச் சொல்வார்கள்!

அப்படியெல்லாம் தமிழ்நாட்டில் செய்ய முடியாது என்று எண்ணாதீர்கள்! அவர்கள் அன்றும் இன்றும் சிறுபான்மைதான்! நாம் பெரும்பான்மைதான்! ஆனால், அவர்கள் ஆதிக்கத்தைத்தான் நாம் ஏற்றுக் கொண்டுள்ளோம். அவர்கள் புதிதாகக் கொண்டு வந்த சற்கிருதத்தில்தான் வழிபாடு நடத்த வேண்டும் என்றார்கள்; ஏற்றுக் கொண்டோம்! அவர்கள் தமிழ் முருகனை – சுப்ரமணிய என்றார்கள்; நாம் முருகனைக் கைவிட்டு சுப்ரமணியவை உச்சரிக்கிறோம். ஐயாறப்பனை அவர்கள் பஞ்ச நதீசுவரர் என்றார்கள் ஏற்றுக் கொண்டோம். அறம் வளர்த்த நாயகியை தர்மசம்வர்த்தினி என்றார்கள். ஏற்றுக் கொண்டோம்! இந்த சமற்கிருதப் பெயர்களில் வடநாட்டில் – ஆரிய வர்த்தத்தில் கோயில்கள் இருக்கின்றனவா? இல்லை!

நம்முடைய முதுகுன்றத்தை விருத்தாச்சலம் என்று மாற்றினார்கள். ஏற்றுக் கொண்டோம். நம்முடைய மரைக்காட்டை வேதாரணியம் என்று மாற்றினார்கள், ஏற்றுக் கொண்டோம். இப்படி எத்தனையோ கடவுட் பெயர்களை – ஊர்ப் பெயர்களை சமற்கிருதப் பெயர்களாக மாற்றினார்கள், ஏற்றுக் கொண்டோம். இன்றைக்குத் தமிழர்கள் தங்கள் பிள்ளைகளுக்குத் தமிழில் பெயர் சூட்டுகிறார்களா? இல்லை! மிகப்பெரும்பாலோர் சமற்கிருதத்தில் பெயர் சூட்டுகிறார்கள். பேசுவது, எழுதுவது ஆங்கிலம்; பெயர் சூட்டுவது சமற்கிருதம்! என்னே கொடுமை!

வீதிக்கு வாருங்கள்

சிவநெறி, மாலிய நெறிகளில் உள்ள ஆன்மிகச் சான்றோர்களே, ஆன்மிகத் தொண்டர்களே, ஐயா சத்தியவேல் முருகனார் போல் தமிழினம் காக்க, தமிழ் மொழி காக்க, தமிழர் ஆன்மிகம் காக்க வீதிக்கு வாருங்கள்! நம் அடையாளத்தை அழித்து நம்மை ஆரிய பிராமண அடிமைகளாக்கிடத் துடிப்போர் – வேத, இதிகாச, புராணப் புரட்டு ஆன்மிகத்தை முன்வைத்து வீதிக்கு வந்துள்ளார்கள்; நம் மக்களைத் தங்கள் தலைமையின் கீழ் திரட்டிக் கொள்கிறார்கள்!

நம்முடைய வள்ளலார் போல் மறைமலை அடிகளார் போல், நமது சமத்துவ ஆன்மிகத்தைத் தமிழினத் தற்காப்புத் தத்துவமாக்குங்கள்! வீதிக்கு வாருங்கள்! சமற்கிருதம் கலக்காமல் – தனித்தமிழில் எழுதவும் பேசவும், பிராமணப் புரோகிதர்களை அழைக்காமல் தமிழ் அறவோரைக் கொண்டு குடும்பச் சடங்குகளை, கோயில் விழாக்களை நடத்தவும், 1916இல் தனித்தமிழ் இயக்கம் கண்டார் மறைமலை அடிகளார்.

வீதிக்கு வந்த வள்ளலார் மனித சமத்துவத்திற்கான – தமிழர், தமிழ் மொழிக் காப்பிற்கான சமரச சுத்த சன்மார்க்க சங்கத்தை நிறுவினார். ஆன்மிகத்தில் ஆழ்ந்த ஈடுபாடு கொண்டு செயல்படும் தமிழர்களே, தமிழ் மொழி காக்க – தமிழ் இனம் காக்க வீதிக்கு வாருங்கள்! ஐயா சத்தியவேல் முருகனார் போல் வெளியே வாருங்கள்!”.
(21.09.2019 அன்று நிகழ்த்திய சொற்பொழிவில் நேரங்கருதி குறைத்துக் கொண்ட சில செய்திகள் இதில் கூடுதலாக இடம் பெற்றுள்ளன).

நிகழ்வில், திரளான தமிழின உணர்வாளர்களும், பல்வேறு அமைப்புத் தலைவர்களும் பங்கேற்று ஐயா சத்தியவேல் முருகனாரின் பணிகளைப் பாராட்டினர்.
தமிழ்த்தேசியப் பேரியக்கம் சார்பில், மகளிர் ஆயம் தலைவர் தோழர் ம. இலட்சுமி அம்மாள், பொதுக்குழு உறுப்பினர் தோழர் வெற்றித்தமிழன், நடுவண் சென்னை செயலாளர் தோழர் மு. வடிவேலன், தோழர்கள் பிரசாந்த், முத்துராமலிங்கம், கோ. செந்தாமரை, மணி தெள்ளியன் உள்ளிட்ட பேரியக்கத் தோழர்கள் பங்கேற்றனர்.

தலைமைச் செயலகம்,
தமிழ்த்தேசியப் பேரியக்கம்

பேச: 7667077075, 9443918095
முகநூல் : www.fb.com/tamizhdesiyam
ஊடகம் : www.kannottam.com
இணையம் : www.tamizhdesiyam.com
சுட்டுரை : www.twitter.com/Tamizhdesiyam

காணொலிகள் : youtube.com/Tamizhdesiyam

Monday, September 23, 2019

கீழமை நீதிபதிகள் பணிக்கு வெளி மாநிலத்தவரை அழைக்கும் அறிவிப்பை இரத்து செய்க! பெ. மணியரசன் அறிக்கை!


கீழமை நீதிபதிகள் பணிக்கு வெளி மாநிலத்தவரை

அழைக்கும் அறிவிப்பை இரத்து செய்க!

தமிழ்த்தேசியப் பேரியக்கத் தலைவர்

தோழர் பெ. மணியரசன் அறிக்கை!

தமிழ்நாட்டில் 176 குடிமையியல் மற்றும் குற்றவியல் நீதிபதிகளுக்கான தேர்வு விண்ணப்பம் கோரி தமிழ்நாடு அரசுப் பணியாளர்கள் தேர்வாணையம் (டி.என்.பி.எஸ்.சி.) கடந்த 09.09.2019 அன்று அறிவிப்பு வெளியிட்டுள்ளது (அறிவிப்பு எண் - 555/2019). அதில், இந்தியாவிலுள்ள எல்லா மாநிலங்களைச் சேர்ந்தவர்களும் தேர்வெழுதலாம் என்றும், தமிழ் தெரிந்திருக்க வேண்டிய முன் நிபந்தனை இல்லை என்றும், வேலையில் சேர்ந்த பிறகு தகுதிகாண் காலத்திற்குள் (Probation Period) இரண்டாம் வகுப்பு தமிழ்ப் பாடத் தேர்வெழுதினால் போதும் என்றும் குறிப்பிடப்பட்டுள்ளது.

ஏற்கெனவே, 2016இல் தமிழ்நாடு அரசுப் பணிகள் தேர்வாணையத் தேர்வை இந்தியாவிலுள்ள அனைவரும் எழுதலாம் என்றும் நேப்பாளம், பூட்டான் ஆகிய நாடுகளைச் சேர்ந்தவர்களும், பாக்கித்தான், வங்காளதேசம், மியான்மர் போன்ற நாடுகளிலிருந்து குடிபெயர்ந்தவர்களும் எழுதலாம் என்றும் திருத்தம் கொண்டு வந்தது அ.தி.மு.க. ஆட்சி. கடந்த 2017 செப்டம்பரில் அரசுப் பல்தொழில்நுட்பக் கல்லூரி விரிவுரையாளர் தேர்விலும், 2018 பிப்ரவரியில் நடைபெற்ற டி.என்.பி.எஸ்.சி. பொதுத் தேர்விலும், 2019 ஏப்ரலில் மின்வாரியத்திற்கான பொறியாளர் தேர்விலும் வெளி மாநிலத்தவர்கள் தேர்ந்தெடுக்கப்பட்டனர்.

தமிழர்களுக்குள் எழும் சிக்கல்களிலும், தமிழ்நாட்டு மக்கள் மீது போடப்படும் வழக்குகளிலும் சாட்சியங்கள் தமிழில்தான் இருக்கும். காவல்துறை ஆவணங்களும் தமிழில்தான் இருக்கும். தமிழ் தெரியாத வெளி மாநிலங்களைச் சேர்ந்த நீதிபதிகள், மாவட்ட அளவில் செயல்பட்டால் இந்த சாட்சியங்களை எப்படிப் புரிந்து கொள்வார்கள்? மாவட்ட நீதிமன்றம் வரை தமிழில் வழக்கு நடத்தலாம், தீர்ப்பெழுதலாம் என்று தமிழ்நாட்டில் சட்டம் இயற்றப்பட்டுள்ளது. தமிழ் தெரியாத பிறமொழியாளர்கள் நீதிபதிகளானால் இச்சட்டம் நடைமுறையில் சாகடிக்கப்பட்டு விடும்.

கர்நாடகம், குசராத், மகாராட்டிரம், சத்தீசுகட் போன்ற மற்ற மாநிலங்களில் மாநில அரசு வேலைகள் – நடுவண் அரசு வேலைகள் – தனியார் துறை வேலைகள் அனைத்திலும் மண்ணின் மக்களுக்கு வேலை வழங்குவதற்கான விழுக்காட்டு ஒதுக்கீடுகள் அரசு ஆணைகளாக, சட்டங்களாக இயற்றப்பட்டுள்ளன. அண்மையில்கூட, ஆந்திரப்பிரதேச அரசு தனியார் துறையில் 75 விழுக்காட்டு வேலைகளை தெலுங்கு மக்களுக்கு வழங்க வேண்டுமென்று தனிச் சட்டம் இயற்றியுள்ளது. ஆனால், தமிழ்நாட்டில் அவ்வாறான ஒரு சட்டமியற்ற தமிழ்நாடு ஆட்சியாளர்கள் தொடர்ந்து மறுத்து வருகிறார்கள். இதன் மர்மம் என்ன? பொது மக்களைப் பொறுத்தவரை இம்மறுப்பை இனத்துரோகம் என்றுதான் புரிந்து கொள்கிறார்கள்.

குசராத்தில் மாவட்ட அளவிலான நீதிபதிகள் தேர்வுக்கு குசராத் உயர் நீதிமன்றம் வெளியிட்ட அறிவிப்பில் (நாள் – 26.08.2019, அறிவிப்பு எண் - RC/0719/2019-20) குசராத்தி மொழி கட்டாயம் தெரிந்திருக்க வேண்டும் என்று முன் நிபந்தனை விதிக்கப்பட்டுள்ளது. ஆனால், தமிழ்நாட்டில் மாவட்ட அளவிலான நீதிபதி வேலையில் சேர தமிழ் மொழி அறிந்திருப்பது முன் நிபந்தனை அல்ல; வேலையில் சேர்ந்த பிறகு கற்றுக் கொள்ளலாம் என்று தமிழ்நாடு அரசே கூறியிருக்கிறது. குசராத்தி மொழி தெரிந்திருக்க வேண்டும் என்று நிபந்தனை விதிக்க அம்மாநில உயர் நீதிமன்றத்திற்கு அதிகாரமளித்துள்ள சட்டம், தமிழ்நாடு அரசுக்கு மட்டும் அனுமதி மறுக்கிறதா? தமிழ்நாட்டு ஆட்சியாளர்கள் இதற்கு விடை சொல்ல வேண்டும்!

ஏன் தமிழ்நாட்டில் அ.தி.மு.க. ஆட்சி மாநில வேலை வாய்ப்பில் தொடர்ந்து வேலையற்றுத் துயருரும் தமிழ் இளைஞர்களைப் புறக்கணிக்க வேண்டும்? ஏன் வஞ்சிக்க வேண்டும்?

தமிழ்நாட்டிலுள்ள இந்திய அரசு நிறுவனங்களில் திட்டமிட்டு நூற்றுக்கு நூறு – நூற்றுக்கு தொண்ணூறு வீதம் வட இந்தியர்களையும், வெளி மாநிலத்தவரையும் வேலையில் சேர்க்கிறது நடுவண் அரசு. அன்றாடம் ஆயிரம் பல்லாயிரமாக வட மாநிலத்தவர் தமிழ்நாட்டில் வந்து குவிந்து தனியார் துறை வேலைகளையும் கவ்விக் கொள்கிறார்கள். இந்தக் கொடுமைகளைத் தடுத்து மண்ணின் மக்களாகிய தமிழர்களுக்கு வேலை உரிமையை நிலைநாட்ட வேண்டிய தமிழ்நாட்டு ஆட்சியாளர்கள் இந்திய அரசோடு போட்டி போட்டுக் கொண்டு வெளி மாநிலத்தவர்களை தமிழ்நாட்டு வேலைகளுக்கு அழைப்பது சொந்த மக்களுக்குச் செய்யும் துரோகமாகும்!

தமிழ்நாடு அரசுப் பணியாளர் தேர்வாணையம் வெளியிட்டுள்ள நீதிபதிகள் தேர்வு அறிவிப்பை தமிழ்நாடு அரசு திரும்பப் பெற்று, தமிழ்நாட்டில் மாவட்ட அளவில் நீதிபதிகளாக செயல்பட மண்ணின் மக்களுக்கே வாய்ப்பு வழங்கும் வகையில் புதிய அறிவிப்பை வெளியிட வேண்டுமென்று தமிழ்த்தேசியப் பேரியக்கம் சார்பில் கேட்டுக் கொள்கிறேன்.

#தமிழகவேலைதமிழருக்கே
#TamilnaduJobsForTamils


தலைமைச் செயலகம்,
தமிழ்த்தேசியப் பேரியக்கம்

பேச: 7667077075, 9443918095
முகநூல் : www.fb.com/tamizhdesiyam
ஊடகம் : www.kannottam.com
இணையம் : www.tamizhdesiyam.com
சுட்டுரை : www.twitter.com/Tamizhdesiyam
காணொலிகள் : youtube.com/Tamizhdesiyam

போராட்டங்கள்

செய்திகள்

 
Copyright © 2013 தமிழ்த்தேசியப் பேரியக்கம்
Design by FBTemplates | BTT